Handbolti

Elvar kemur í stað Mimi Kraus hjá Stuttgart

Henry Birgir Gunnarsson skrifar
Elvar í leik með Aftureldingu.
Elvar í leik með Aftureldingu. vísir/bára

Þýska úrvalsdeildarfélagið TVB Stuttgart tilkynnti í dag að félagið væri búið að semja við Elvar Ásgeirsson, leikmann Aftureldingar.

Elvar er búinn að skrifa undir tveggja ára samning við félagið. Honum er ætlað að leysa Mimi Kraus, fyrrum landsliðsmann Þýskalands, af hólmi hjá félaginu en Kraus er á förum næsta sumar. Þá kemur Elvar til félagsins en hann mun klára þetta tímabil í Mosfellsbænum.



Elvar verður fjórði Íslendingurinn til þess að spila með félaginu en áður hafa Arnór Þór Gunnarsson, Árni Þór Sigtryggsson og Björgvin Páll Gústavsson klæðst treyju félagsins.

Elvar er orðinn 24 ára gamall og hefur verið í lykilhlutverki hjá Aftureldingu síðustu ár. Hann fær nú stóra tækifærið á stóra sviðinu.

Stuttgart er sem stendur í tólfta sæti í þýsku úrvalsdeildinni.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.