Fótbolti

Markalaust gegn Eistum og Hamrén enn án sigurs

Ástrós Ýr Eggertsdóttir skrifar
Erik Hamrén hefur ekki enn náð að stýra Íslandi til sigurs
Erik Hamrén hefur ekki enn náð að stýra Íslandi til sigurs vísir/getty
Ísland gerði markalaust jafntefli við Eistland í vináttuleik í Katar í dag. Erik Hamrén er því enn án sigurs sem landsliðsþjálfari Íslands.

Leikurinn í kvöld var frekar rólegur og færin voru fá. Ísland var sterkari aðilinn í fyrri hálfleik og byrjaði seinni hálfleikinn af krafti. Eistar sóttu á undir lokin en ekki kom mark í leikinn.

Þar sem ekki er um alþjóðlegan leikdag að ræða var lið Íslands að megninu skipað óreyndari mönnum. Þrír leikmenn þreyttu frumraun sína með íslenska A-landsliðinu.

Davíð Kristján Ólafsson spilaði allan leikinn en Willum Þór Willumsson og Alex Þór Hauksson komu inn í seinni hálfleik.

Íslenska liðið hefur nú lokið æfingaferð sinni í Katar þar sem liðið gerði einnig jafntefli við Svía 2-2.




Fleiri fréttir

Sjá meira


×