Handbolti

Stefán markahæstur í enn einum sigrinum

Anton Ingi Leifsson skrifar
Stefán fagnar marki.
Stefán fagnar marki. mynd/szeged
Stefán Rafn Sigurmannsson var markahæstur í liði Pick Szeged sem vann stórsigur á Cegledi, 39-23, er liðin mættust í fimmtándu umferð ungversku úrvalsdeildarinnar.

Heimamenn í Pick Szeged gerðu í raun út um leikinn í fyrri hálfleik en þeir leiddu með þrettán mörkum í hálfleik, 21-8.

Þeir unnu svo síðari hálfleikinn með átján mörkum gegn fimmtán svo sigurinn var aldrei í hættu. Áfram heldur sigurganga Stefáns og félaga í Szeged.

Þetta var fimmtándi sigur Szeged í deildinni í vetur en þeir eru með fullt hús á toppi deildarinnar, tíu stigum á undan næsta liði.

Stefán Rafn hefur verið frábær í liði Szeged og skoraði hann níu mörk. Hann var markahæstur í liði Szeged ásamt Alvarez Pedro Rodriguez.




Fleiri fréttir

Sjá meira


×