Lífið kynningar

Fær send myndskeið af fólki að svæfa börn

Sögur útgáfa kynnir
Tónbækur Jóns fyrir börn hafa slegið í gegn.
Tónbækur Jóns fyrir börn hafa slegið í gegn.

„Á löngum ferli sem tónlistarmaður þá eru viðbrögðin við þessum bókum með því mesta!  Mæður stoppa mig úti í búð og feður senda mér myndskeið af sér að svæfa börnin sín.  Það er auðvitað mjög ánægjulegt þegar maður finnur að tónlistin er notuð til góðra verka,“ segir Jón Ólafsson, tónlistarmaður en tónbækur hans fyrir börn með íslenskum lögum hafa slegið í gegn.

Á síðasta ári komu út bækurnar Vögguvísurnar okkar og Sönglögin okkar. Í ár eru það Jólalögin okkar og Fallegu lögin okkar. Bækurnar eru ríkulega myndskreyttar af Úlfi Logasyni myndlistarmanni og þá er að finna texta allra laganna í bókunum svo hægt er að syngja með. Jón segir það enda tilganginn, að foreldrar geti sungið fyrir börnin eða með þeim og ekki síst að kynna góða tónlist fyrir yngstu kynslóðinni.

„Bókin Fallegu lögin okkar inniheldur allskonar lög sem mér finnst sniðugt að kynna fyrir krökkum, smá tónlistarlegt uppeldi,“ segir Jón. „Þetta eru lög eins og t.d. Bláu augun þín, Ómissandi fólk, Í sól og sumaryl, Vegbúinn og fleiri perlur.  Krakkar hafa gaman af gaman af alls konar tónlist þó það séu ekki endilega barnalög.  Svo bjóða sumir textarnir líka upp á spjall milli foreldra og barna, eins og í laginu Ómissandi fólk eftir KK segir „Allsnakinn kemurðu í heiminn og allsnakinn ferðu burt.“ Krakkarnir geta þá spurt foreldra sína allskonar óþægilegra spurninga um hvers vegna maðurinn sé allsber.“

Jón segir langt framleiðsluferli liggja að baki bókunum. Þetta eru ákveðnar galdrabækur; með spilara í og hátalara og svona framleiðsla er ekki á hverju strái.

„Sögur útgáfa lagði mikla vinnu í bækurnar. Þessar eru það tæknilegar að hægt er að flakka milli laga, hækka og lækka og tengja heyrnartól eða hátalara við bókina. Það er m.a.s. hægt að tengja þær í bílinn og syngja saman á ferðinni,“ segir Jón.

Verða bækurnar fleiri? „Það gæti vel farið svo ef ég finn rétta efnið,“ segir hann. „Sjálfur á ég börn á öllum aldri og bækurnar eru mikið notað í mínu heimili.“

Þessi kynning er unnin í samstarfi við Sögur Útgáfu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.