Viðskipti erlent

Tölvupóstsamskipti varpa nýju ljósi á umdeilda starfshætti Facebook

Kristín Ólafsdóttir skrifar
Mark Zuckerberg, stofnandi Facebook, er skrifaður fyrir tölvupóstum sem finna má í gögnunum.
Mark Zuckerberg, stofnandi Facebook, er skrifaður fyrir tölvupóstum sem finna má í gögnunum. Getty/David Paul Morris

Ný gögn sýna að samfélagsmiðlarisinn Facebook veitti vel völdum stórfyrirtækjum aðgang að gögnum um notendur sína. Þetta kemur fram í tölvupóstum og öðrum gögnum frá Facebook sem bresk þingnefnd hefur undir höndum.

Gögnin telja 250 blaðsíður og innihalda  tölvupóstsamskipti milli starfsmanna Facebook, þar á meðal stofnandans sjálfs, Marks Zuckerberg. Tölvupóstarnir eru hluti af gögnum máls sem hugbúnaðarfyrirtækið Six4Three höfðaði gegn Facebook.

Kæfðu framgang Vine og veittu risunum aðgang að persónuupplýsingum

Formaður þingnefndarinnar sem birti skjölin, Damian Collins, gerði í viðhengi grein fyrir nokkrum aðalatriðum sem finna má í gögnunum. Aðalatriðin lúta til að mynda að meðferð Facebook á persónuupplýsingum notenda sinna og aðferðum fyrirtækisins til að kæfa mögulega samkeppni.

Í gögnunum kemur fram að árið 2015 takmarkaði Facebook aðgang smáforrita að persónuupplýsingum um notendur. Þrátt fyrir þetta hélt Facebook áfram að veita smáforritum stórfyrirtækja á borð við Netflix, Lyft og AirBnb aðgang að upplýsingum – sem hefðu ekki átt að vera aðgengilegar samkvæmt reglum samfélagsmiðilsins.

Vinsældir Vine óxu hratt eftir að því var komið á fót. Því fataðist þó flugið og var lagt niður árið 2016. Getty/Hich Zwi

Þegar Twitter kom smáforritinu Vine á laggirnar árið 2013 lokaði Facebook fyrir svokallaðan „Find Friends“-möguleika sem í boði er innan fjölmargra smáforrita. Þannig gat Vine ekki stækkað notendahóp sinn í gegnum Facebook líkt og Instagram gerði með góðum árangri.

Vert er að nefna að daginn áður en tölvupóstarnir voru birtir tilkynnti Facebook að fyrirtækið hefði horfið frá þessari stefnu sinni, á grundvelli þess að hún væri gamaldags og „úr sér gengin“.

Fylgdust með vinsældum samkeppnisaðilans

Facebook hefur jafnframt notast við smáforritið Onavo síðan árið 2013 í þeim tilgangi að safna upplýsingum um símanotkun iPhone-notenda. Þannig gat Facebook fylgst náið með því hvaða smáforrit nytu mestra vinsælda og í kjölfarið gert ráðstafanir til að bregðast við samkeppninni. Þetta notfærði Facebook sér þegar fyrirtækið keypti samskiptaforritið WhatsApp, sem þá var vinsælla meðal iPhone-notenda en Messenger, samskiptaforrit Facebook.

Árið 2015 hóf fyrirtækið svo að hlaða niður skrám yfir símtöl og smáskilaboð Android-notenda. Með því fékk fyrirtækið mikilvægar upplýsingar um samskiptahegðun notenda sinna. Í tölvupóstum sín á milli viðurkenndu starfsmenn að um hafi verið að ræða „áhættusamt útspil“.

Facebook mótmælti birtingu gagnanna og sagði í yfirlýsingu að umrædd gögn séu slitin úr samhengi og hafi ekki verið sett fram á sanngjarnan hátt. Þá ítrekaði Facebook að fyrirtækið hefði aldrei selt upplýsingar um notendur sína.


Tengdar fréttir

Facebook sagt rúið öllu trausti

Valdafólk bálreitt eftir að NYT greindi frá því að Facebook hefði látið skrifa falsfréttir sem tengdu gagnrýnendur miðilsins við eitt helsta skotmark öfgaíhaldsmanna. Zuckerberg segist ekki hafa vitað af ráðningunni.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ORIGO
5,11
14
50.451
ICEAIR
2,95
34
234.414
SIMINN
2,83
27
416.767
REGINN
2,29
14
153.964
EIM
2,23
15
226.541

Mesta lækkun dagsins


Félag
Br.%
Fjöldi
Velta*
MARL
-0,39
12
242.543
SYN
-0,23
9
140.003
Velkomin á Vísi. Þessi vefur notar vafrakökur. Sjá nánar.