Viðskipti innlent

Sigurði gert að greiða 137 milljóna sekt

Stefán Ó. Jónsson skrifar
Sigurður Kristinsson í Héraðsdómi Reykjaness þegar Skáksambandsmálið svokallaða var þingfest. Í því er honum gefið að sök að hafa staðið að stórfelldum fíkniefnainnflutningi til landsins.Aðalmeðferðin í því máli fer fram í janúar næstkomandi.
Sigurður Kristinsson í Héraðsdómi Reykjaness þegar Skáksambandsmálið svokallaða var þingfest. Í því er honum gefið að sök að hafa staðið að stórfelldum fíkniefnainnflutningi til landsins.Aðalmeðferðin í því máli fer fram í janúar næstkomandi. Vísir/vilhelm

Sigurður Ragnar Kristinsson var í Héraðsdómi Reykjaness í dag dæmdur í 20 mánaða skilorðsbundið fangelsi fyrir meiriháttar skattalagabrot í rekstri verkatakafyrirtækisins SS verks ehf. Þá var honum einnig gert að greiða 137 milljónir króna í sekt til ríkissjóðs sem skal greiðast innan fjögurra vikna. Ellegar skal hann sæta fangelsisvist í 360 daga.

Sigurði var gefið að sök að hafa staðið skil á röngum virðisaukaskattsskýrslum í störfum sínum fyrir SS Verk. Það átti hann að hafa gert með því að hafa oftalið innskatt um tæpar 34 milljónir króna á grundvelli fimm tilhæfulausra sölureikninga, gerða út á fyrirtækið TG smíðar sem nú er gjaldþrota. Auk þess var Sigurður talinn hafa vanframtalið virðisauka SS verks ehf. um tæpar þrjátíu milljónir króna.

Sjá einnig: „Þessi verk voru unnin“

Við aðalmeðferð málsins um miðjan nóvember, sem Vísir fjallaði um á sínum tíma, þvertók Sigurður fyrir að þessir reikningar hefðu verið tilhæfulausir.

Þá var Sigurður einnig ákærður fyrir að hafa ekki staðið skil á rúmum 15 milljónum króna í staðgreiðslu opinberra gjalda sem haldið var eftir af launum starfsmanna SS verks. Sigurður hafði játað sök í þeim þætti málsins.

Hann mætti ekki við dómsuppkvaðninguna í morgun en Hilmar Magnússon, verjandi hans, var viðstaddur. Dómari málsins féllst ekki á frávísunarkröfu Sigurðar heldur dæmdi hann til 20 mánaða, skilorðsbundinnar fangelsisvistar. Auk þess að greiða fyrrnefndar 137 milljónir til ríkissjóðs var honum gert að greiða verjanda sínum tæpar 2,4 milljónir í þóknun.

Dóminn má lesa í heild hér.


Tengdar fréttir

„Þessi verk voru unnin“

Sigurður Ragnar Kristinsson þarf einn að svara til saka fyrir meint meiriháttar skattalagabrot í rekstri verktakafyrirtæksins SS verks ehf.

Ákærður fyrir 50 milljóna króna skattsvik

Sigurður Ragnar Kristinsson, eiginmaður Sunnu ­Elviru Þorkelsdóttur, og tveir aðrir hafa verið ákærðir fyrir skattsvik sem tengjast fyrirtækinu SS verk ehf. Meint skattsvik nema um 100 milljónum króna.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ORIGO
5,11
14
50.451
ICEAIR
2,95
34
234.414
SIMINN
2,83
27
416.767
REGINN
2,29
14
153.964
EIM
2,23
15
226.541

Mesta lækkun dagsins


Félag
Br.%
Fjöldi
Velta*
MARL
-0,39
12
242.543
SYN
-0,23
9
140.003
Velkomin á Vísi. Þessi vefur notar vafrakökur. Sjá nánar.