Innlent

Fyrsta flug WOW til Nýju Delí

Birgir Olgeirsson skrifar
Skúli Mogensen, forstjóri WOW air og Hr. T. Armstrong Changsan, sendiherra Indlands á Íslandi ásamt áhöfn fyrsta flugs WOW air til Nýju Delí.
Skúli Mogensen, forstjóri WOW air og Hr. T. Armstrong Changsan, sendiherra Indlands á Íslandi ásamt áhöfn fyrsta flugs WOW air til Nýju Delí. WOW AIR

WOW air flaug sitt fyrsta flug til Nýju Delí í dag. Flogið er þangað þrisvar sinnum í viku. Þetta er í fyrsta skipti sem beint áætlunarflug býðst frá Íslandi til Indlands og er jafnframt lengsta áætlunarflug íslenskrar flugsögu.

„Við höfum fundið fyrir miklum áhuga á ferðum á góðum kjörum til og frá Indlands enda land sem býr yfir ríkri menningu og sögu. Með því að tengja Indland við leiðarkerfi WOW air til Norður Ameríku þá mun staða Íslands sem tengistöð styrkjast enn frekar,“ er haft eftir Skúla Mogensen forstjóra og eiganda WOW air í tilkynningu frá flugfélaginu.

Delí er önnur stærsta borg Indlands á eftir Mumbai og þar má finna höfuðborg Indlands, Nýju Delí. Í nágrenni er hægt að sjá ýmsa sögufræga staði á borð við Taj Mahal sem jafnan er talið eitt fegursta mannvirki á Indlandi. Þá eru þar haldnar ýmsar hátíðir á borð við Diwali (hátíð ljósanna) og Holi (hátíð lita).



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.