Blöskraði kynjaskipting í barnafataverslunum Regnboginn kynnir 30. nóvember 2018 13:45 Hildigunnur Borga Gunnarsdóttir og Sandra Gunnarsdóttir taka þátt í jólamarkaði netverslana um helgina. Regnboginn Hildigunni Borgu Gunnarsdóttur og Söndru Gunnarsdóttur blöskraði hversu staðlaðar kynjaímyndir birtast í barnafatadeildum margra verslana. Þær opnuðu því netverslunina Regnboginnverslun.is og bjóða upp á fatnað og leikföng óháð kyni.„Flestar barnafataverslanir sem við þekkjum eru kynjaskiptar og deildirnar oft beinlínis merktar „fyrir stráka" og „fyrir stelpur." Við eigum báðar drengi og tókum eftir því hversu erfitt gat verið að finna fallegan og litríkan fatnað í svokölluðum „strákadeildum“ hér á landi. Þar eru gjarnan dökkir litir og gráir og bláir tónar afgerandi, meðan mun fleiri litir og bjartari einkenna fatnað í „stelpudeildum“. Þar sem við leggjum áherslu á að klæða drengina okkar í alla liti höfum við oftar en ekki verslað á þá í „stelpudeildum“ til þess að finna litríkan fatnað. Út frá þessu kviknaði hugmyndin að Regnboganum, barnaverslun með litríkan „unisex" fatnað. Á bak við verslunina er sterk hugsjón sem við vonumst til að fái fólk til að endurhugsa hlutina,“ útskýrir Hildigunnur. Hún segir svo afgerandi skiptingu takmarka valkosti barna og stýra þeim í fastmótuð hólf.„Í strákadeildum eru myndir af ofurhetjum, bílum, vinnuvélum algengar en í stelpudeildunum er lögð áhersla á glimmer, blóm, fiðrildi, og prinsessur. Með þessu er verið að ákveða fyrirfram hvaða áhuga er ætlast til að börnin hafi eftir kyni. Þetta finnst okkur mjög sorglegt því að það síðasta sem við viljum gera er að takmarka möguleika barnanna okkar,“ segir Hildigunnur og Sandra tekur undir. „Okkar draumur er sá að börn geti valið það hverju þau klæðast og hvað þau leika sér með. Að möguleikar barna séu endalausir en ekki fyrirfram ákveðnir út frá því hvaða kyni þau fengu úthlutað við fæðingu. Við hvetjum fólk til þess að viðhalda ekki þessum staðalímyndum.“Snýst um jafnréttiFlest þeirra merkja sem fást í Regnboganum eru sænsk en þær Hildigunnur og Sandra segjast hafa leitað í smiðju svía þar sem þeir standi framarlega í jafnréttismálum. „Það er akkúrat það sem þetta snýst allt um í grunninn, jafnrétti. Í Svíþjóð hefur orðið mikil vitundarvakning í þessum málum og mörg sænsk merki framleiða litríkan „unisex" fatnað. Við leggjum einnig mikla áherslu á að flytja inn fatnað sem er framleiddur með sjálfbærni að sjónarmiði, þar sem er hugað að náttúrunni og sanngjörnum vinnuskilyrðum. Allur okkar fatnaður er GOTS vottaður og úr lífrænni bómull,“ útskýrir Sandra.Leikföng sem örva sköpunarkraft„Í versluninni okkar bjóðum við líka upp á vönduð viðarleikföng og leggjum áherslu á leikföng úr opnum efnivið þar sem það ýtir undir sköpunarkraft og ímyndunarafl barna. Það hefur nú þegar orðið einhver hugarfarsbreyting á Íslandi og við teljum að fólk sé opið fyrir þessari breytingu. Við finnum mikinn meðbyr og viljum að sem flestir taki þátt í litagleðinni með okkur.“Jólamarkaður netverslana Þær Hildigunnur og Sandra taka þátt í jólamarkaði netverslana sem hefst á morgun, í Víkingsheimilinu í Fossvogi. Markaðurinn er opinn laugardag og sunnudag milli klukkan 11 og 18. Nánar á Regnboginnverslun.is. Þá er Regnboginn verslun einnig á facebook og Instagram.Þessi kynning er unnin í samstarfi við Regnbogann verslun. Mest lesið Krabbameinið sem týndist: „Fyrst sagði ég bara fokk!“ Áskorun Veltir fyrir sér hvort hann sé dottinn úr tísku Lífið Páll Óskar genginn í það heilaga: „Besti dagur lífs okkar“ Lífið Kastast í kekki milli Carragher og kærastans Lífið Líkt við apa og klappað eins og hundi Lífið Svar við spurningu lesanda: Hvað má fróa sér oft í viku? Lífið Sandler vinnur að Happy Gilmore 2 Bíó og sjónvarp Björk á forsíðu Vogue í fyrsta sinn Tíska og hönnun Tískan sýndi trúnaðarbrest í hruninu Lífið Er sannkölluð Mary Poppins þegar það kemur að töskunni Tíska og hönnun Fleiri fréttir Spennan magnast í Meistaradeild Líflands í hestaíþróttum! Réttu hlaupafötin fyrir íslenskt „vor“ Góðgerlar sem styðja við þyngdarstjórnun og jafnari blóðsykur Njótum þess að borða það sem við elskum yfir hátíðarnar Sælgætisgerð sem byggir á íslenskri bjartsýni Leiðir gönguhópa um Ítalíu - hreyfiferðir Bændaferða njóta mikilla vinsælda Náttúruleg og ljómandi fermingarförðun Fermingargjöfin sem stenst tímans tönn Grunur um byrlun? Umhverfisvænar hárvörur sem hafa slegið í gegn Átti að hætta að æfa vegna skemmda í brjóski Snabbi og Bísamrottan eru nýjustu meðlimir Múmínkrúsanna Match Attax Extra viðburður í Fótboltalandi á laugardaginn! Elira flutt á yndislegan stað á Kirkjusandi Bjargvættur fyrir þurrt og þreytt hár Svefninn mun dýpri og betri með tilkomu Neubria Sleep Stórkostleg áhrif á fíngert hár Glódís Rún og Breki frá Austurási sigruðu slaktaumatöltið Þetta eru snyrtivörurnar sem skipta mestu máli Troðfullt á fermingarkvöldi Hagkaups Páskaegg fyrir sanna bragðarefi Askja frumsýnir nýjan og enn glæsilegri Mercedes-Benz EQB Litlu hlutirnir sem geta skipt sköpum Topp tíu listi yfir nauðsynlegar skíðavörur „Femarelle það eina sem hefur virkað fyrir mig“ Flottustu fermingartrendin hjá Galleri 17 í sannkallaðri „fashion“töku Topp tíu listi yfir förðun og húðumhirðu fyrir ferminguna Saltblár er litur ársins hjá KitchenAid Spretthlaup frá grænmetisdeildinni niður í leikfangadeild Spennandi snúningur á ljúffengri klassík Sjá meira
Hildigunni Borgu Gunnarsdóttur og Söndru Gunnarsdóttur blöskraði hversu staðlaðar kynjaímyndir birtast í barnafatadeildum margra verslana. Þær opnuðu því netverslunina Regnboginnverslun.is og bjóða upp á fatnað og leikföng óháð kyni.„Flestar barnafataverslanir sem við þekkjum eru kynjaskiptar og deildirnar oft beinlínis merktar „fyrir stráka" og „fyrir stelpur." Við eigum báðar drengi og tókum eftir því hversu erfitt gat verið að finna fallegan og litríkan fatnað í svokölluðum „strákadeildum“ hér á landi. Þar eru gjarnan dökkir litir og gráir og bláir tónar afgerandi, meðan mun fleiri litir og bjartari einkenna fatnað í „stelpudeildum“. Þar sem við leggjum áherslu á að klæða drengina okkar í alla liti höfum við oftar en ekki verslað á þá í „stelpudeildum“ til þess að finna litríkan fatnað. Út frá þessu kviknaði hugmyndin að Regnboganum, barnaverslun með litríkan „unisex" fatnað. Á bak við verslunina er sterk hugsjón sem við vonumst til að fái fólk til að endurhugsa hlutina,“ útskýrir Hildigunnur. Hún segir svo afgerandi skiptingu takmarka valkosti barna og stýra þeim í fastmótuð hólf.„Í strákadeildum eru myndir af ofurhetjum, bílum, vinnuvélum algengar en í stelpudeildunum er lögð áhersla á glimmer, blóm, fiðrildi, og prinsessur. Með þessu er verið að ákveða fyrirfram hvaða áhuga er ætlast til að börnin hafi eftir kyni. Þetta finnst okkur mjög sorglegt því að það síðasta sem við viljum gera er að takmarka möguleika barnanna okkar,“ segir Hildigunnur og Sandra tekur undir. „Okkar draumur er sá að börn geti valið það hverju þau klæðast og hvað þau leika sér með. Að möguleikar barna séu endalausir en ekki fyrirfram ákveðnir út frá því hvaða kyni þau fengu úthlutað við fæðingu. Við hvetjum fólk til þess að viðhalda ekki þessum staðalímyndum.“Snýst um jafnréttiFlest þeirra merkja sem fást í Regnboganum eru sænsk en þær Hildigunnur og Sandra segjast hafa leitað í smiðju svía þar sem þeir standi framarlega í jafnréttismálum. „Það er akkúrat það sem þetta snýst allt um í grunninn, jafnrétti. Í Svíþjóð hefur orðið mikil vitundarvakning í þessum málum og mörg sænsk merki framleiða litríkan „unisex" fatnað. Við leggjum einnig mikla áherslu á að flytja inn fatnað sem er framleiddur með sjálfbærni að sjónarmiði, þar sem er hugað að náttúrunni og sanngjörnum vinnuskilyrðum. Allur okkar fatnaður er GOTS vottaður og úr lífrænni bómull,“ útskýrir Sandra.Leikföng sem örva sköpunarkraft„Í versluninni okkar bjóðum við líka upp á vönduð viðarleikföng og leggjum áherslu á leikföng úr opnum efnivið þar sem það ýtir undir sköpunarkraft og ímyndunarafl barna. Það hefur nú þegar orðið einhver hugarfarsbreyting á Íslandi og við teljum að fólk sé opið fyrir þessari breytingu. Við finnum mikinn meðbyr og viljum að sem flestir taki þátt í litagleðinni með okkur.“Jólamarkaður netverslana Þær Hildigunnur og Sandra taka þátt í jólamarkaði netverslana sem hefst á morgun, í Víkingsheimilinu í Fossvogi. Markaðurinn er opinn laugardag og sunnudag milli klukkan 11 og 18. Nánar á Regnboginnverslun.is. Þá er Regnboginn verslun einnig á facebook og Instagram.Þessi kynning er unnin í samstarfi við Regnbogann verslun.
Mest lesið Krabbameinið sem týndist: „Fyrst sagði ég bara fokk!“ Áskorun Veltir fyrir sér hvort hann sé dottinn úr tísku Lífið Páll Óskar genginn í það heilaga: „Besti dagur lífs okkar“ Lífið Kastast í kekki milli Carragher og kærastans Lífið Líkt við apa og klappað eins og hundi Lífið Svar við spurningu lesanda: Hvað má fróa sér oft í viku? Lífið Sandler vinnur að Happy Gilmore 2 Bíó og sjónvarp Björk á forsíðu Vogue í fyrsta sinn Tíska og hönnun Tískan sýndi trúnaðarbrest í hruninu Lífið Er sannkölluð Mary Poppins þegar það kemur að töskunni Tíska og hönnun Fleiri fréttir Spennan magnast í Meistaradeild Líflands í hestaíþróttum! Réttu hlaupafötin fyrir íslenskt „vor“ Góðgerlar sem styðja við þyngdarstjórnun og jafnari blóðsykur Njótum þess að borða það sem við elskum yfir hátíðarnar Sælgætisgerð sem byggir á íslenskri bjartsýni Leiðir gönguhópa um Ítalíu - hreyfiferðir Bændaferða njóta mikilla vinsælda Náttúruleg og ljómandi fermingarförðun Fermingargjöfin sem stenst tímans tönn Grunur um byrlun? Umhverfisvænar hárvörur sem hafa slegið í gegn Átti að hætta að æfa vegna skemmda í brjóski Snabbi og Bísamrottan eru nýjustu meðlimir Múmínkrúsanna Match Attax Extra viðburður í Fótboltalandi á laugardaginn! Elira flutt á yndislegan stað á Kirkjusandi Bjargvættur fyrir þurrt og þreytt hár Svefninn mun dýpri og betri með tilkomu Neubria Sleep Stórkostleg áhrif á fíngert hár Glódís Rún og Breki frá Austurási sigruðu slaktaumatöltið Þetta eru snyrtivörurnar sem skipta mestu máli Troðfullt á fermingarkvöldi Hagkaups Páskaegg fyrir sanna bragðarefi Askja frumsýnir nýjan og enn glæsilegri Mercedes-Benz EQB Litlu hlutirnir sem geta skipt sköpum Topp tíu listi yfir nauðsynlegar skíðavörur „Femarelle það eina sem hefur virkað fyrir mig“ Flottustu fermingartrendin hjá Galleri 17 í sannkallaðri „fashion“töku Topp tíu listi yfir förðun og húðumhirðu fyrir ferminguna Saltblár er litur ársins hjá KitchenAid Spretthlaup frá grænmetisdeildinni niður í leikfangadeild Spennandi snúningur á ljúffengri klassík Sjá meira