Lífið kynningar

Tínir steina og slípar í skart

Runia kynnir
Rúnar Jóhannesson, gullsmiður tekur þátt í sýningu Handverks og hönnunar í Ráðhúsi Reykjavíkur, sem hefst á morgun.
Rúnar Jóhannesson, gullsmiður tekur þátt í sýningu Handverks og hönnunar í Ráðhúsi Reykjavíkur, sem hefst á morgun.

„Ætli ég sé ekki dálítið íhaldssamur, ég teikna ekkert í tölvu né sendi í þrívíddarprentun og hjá mér er allt handgert frá A til Ö. Steinarnir sem ég nota í skartgripina tíni ég til að mynda sjálfur og slípa þá til. Ég hef líka alltaf verið mjög hrifinn af víravirki og því handverki,“ segir Rúnar Jóhannesson, gullsmiður og stofnandi skartgripafyrirtækisins runia, sem tekur þátt í sýningu Handverks og hönnunar í Ráðhúsi Reykjavíkur. Sýningin hefst á morgun.

Rúnar tínir steinana sjálfur, sker þá og slípar.

Rúnar hefur komið sér fyrir á Dalvík með gullsmíðaverkstæði sem hann rekur ásamt eiginkonu sinni Björk Hólm Þorsteinsdóttur.
„Ég hanna og smíða og konan mín sér um allt hitt,“ segir hann.  „Við erum að byggja fyrirtækið upp hægt og rólega. Það er ár síðan ég tók verkstæðið upp úr kössunum og einungis nokkrar vikur síðan við stofnuðum formlegan rekstur í kringum þetta. Það  má segja að stilkurinn sé farinn að skjóta rótum og svo þurfa greinarnar smá tíma til að vaxa út frá.  Ég er að þróa mig áfram í steinaslípuninni,“ segir Rúnar. Hann hafi dottið í lukkupottinn þegar hann kynntist gamalgrónum steinaslípara á Akureyri.

Mikil vinna liggur á bak við hvern grip eftir Rúnar.

„Guðmundur Bjarnason hefur slípað og skorið steina í mörg ár og það er ómetanlegt að komast í kynni við hann. Hann benti mér til dæmis á nokkra staði þar sem hægt er að finna fallega steina. Nú er ég að þróa aðferðir og tækni og getu til þess að vinna steinana samhliða því að hanna og smíða lagskipt men með steinum sem eru að hluta til huldir undir silfri, sú tilraunavinna er ofboðslega skemmtilegt og spennandi, en ég smíða einnig einfaldari og hefðbundnari hluti,“ segir Rúnar.

Víravirki er stór hluti af skargripalinu Rúnars.

Nánar má forvitnast runia á facebook  og á instagram.

Sýning Handverks og hönnunar hefst á  morgun í Ráðhúsi Reykjavíkur klukkan 16. Föstudag til mánudags er sýningin opin milli 11 og 18.

Þessi kynning er unnin í samstarfi við runia



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.