Lífið kynningar

Fylgir hugmyndafræði Slow Design

Yarm kynnir
Erla Svava Sigurðardóttir hefur hlotið verðlaun og viðurkenningar fyrir hönnun sína úr íslenksri ull.
Erla Svava Sigurðardóttir hefur hlotið verðlaun og viðurkenningar fyrir hönnun sína úr íslenksri ull. Anton Brink

Yarmvörur Erlu Svövu Sigurðardóttur hafa vakið verðskuldaða athygli en Erla stofnaði Yarm fyrir rétt rúmu ári síðan. Á þessum stutta tíma hefur Erla Svava hlotið Skúlaverðlaunin 2017 sem eru nýsköpunarverðlaun, auk þess sem hún var valin Handverksmaður ársins 2018.

Þá hlaut Yarm The Awards of Excellence 2018 frá markaðsstofunni Icelandic Lamb í dag en verðlaunin veitir stofan þeim samstarfsstaðilum sínum sem skara fram úr.
Erla Svava handspinnur hnausþykkt garn úr sérvalinni íslenskri ull og prjónar úr garninu með handleggjunum. 

„Ég er svo heppin hvað viðskiptavinir mínir eru þolinmóðir. Ég vinn eftir hugmyndafræði Slow-design og Slow-fashion og allt ferlið er eins umhverfisvænt og mögulegt er. Íslenska ullin okkar er einstakt náttúrufyrirbrigði sem ber að sýna þá lágmarks virðingu að vinna hana ekki á umhverfis spillandi hátt eins og til dæmis með því að senda ullina til Kína til að láta spinna hana þar og senda svo til baka,“ segir Erla Svava. Hún stendur ein að framleiðslunni og hefur þróað allt framleiðsluferlið. 

„Það má segja að Yarm vörurnar séu í stanslausri þróun. Því hvert stykki kennir manni eitthvað nýtt og er ég stolt af því að hafa þróað þetta þykka garn alveg frá grunni. En garnið sem og vörurnar eru einstaklega endingargóðar af ullarvörum að vera. Ég stefni í náinni framtíð á að hefja framleiðslu og sölu á garninu.“ 

Vörulína Yarm samanstendur af teppum, mottum, púðum og pullum. Auk þess hefur Erla prjónað leikföng fyrir börn, stórar kanínur. Til að byrja með framleiddi Erla vörurnar í sauðalitunum. Nú hafa bæst við fleiri litir.Vörurnar fást á vefversluninni yarm.store, á facebook og  í Jöklu á Laugavegi 90.

„Ég er nýkomin inn með vörurnar í Jöklu. Við erum níu hönnuðir sem leigjum þar pláss og skiptumst á að vinna í búðinni. Það er skemmtilegt fyrirkomulag og persónuleg þjónusta þar sem fólki gefst tækifæri til að versla beint af hönnuði,“ segir Erla.

Áhugasamir geta hitt á Erlu á sýningu Handverks og hönnunar í Ráðhúsinu sem hefst í dag klukkan 16. Sýningin er opin frá föstudegi til mánudags milli klukkan 11 og 18.

Þessi kynning er unnin í samstarfi við Yarm



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.