Viðskipti erlent

Selja einkaskilaboð 80 þúsund Facebook-notenda

Kristín Ólafsdóttir skrifar
Netöryggisfyrirtækið Digital Shadows rannsakaði fullyrðingar hakkaranna um fjölda aðganga. Ekki var hægt að staðfesta að fleiri en 81 þúsund notendur hefðu orðið fyrir tölvuárásinni.
Netöryggisfyrirtækið Digital Shadows rannsakaði fullyrðingar hakkaranna um fjölda aðganga. Ekki var hægt að staðfesta að fleiri en 81 þúsund notendur hefðu orðið fyrir tölvuárásinni. Getty/Florian Gaertner

Svo virðist sem hakkarar hafi komist yfir og birt einkaskilaboð að minnsta kosti 81 þúsund Facebook-notenda, auk annarra persónulegra upplýsinga. Hakkararnir auglýstu áðurnefndar upplýsingar til sölu á Internetinu.

Í frétt breska ríkisútvarpsins BBC segir að hakkararnir hafi tjáð útibúi fréttastofunnar í Rússlandi að þeir hefðu komist yfir skilaboð frá 120 milljón notendum Facebook. Þá séu þeir nú að reyna að selja umræddar upplýsingar. Blaðamaður BBC segir þó ástæðu til þess að draga þær tölur stórlega í efa.

Í svari Facebook vegna málsins segir að ekki hafi verið gerð árás á öryggiskerfi miðilsins heldur hafi gagnanna líklega verið aflað með ólögmætum hætti í gegnum vafraviðbætur. Þá hefur Facebook gert ráðstafanir til að koma í veg fyrir að fleiri notendur verði fyrir barðinu á tölvuþrjótunum. Flestir umræddra notenda eru búsettir í Úkraínu og Rússlandi en nokkrir þeirra eru þó m.a. frá Bretlandi, Bandaríkjunum og Brasilíu.

Í auglýsingu sem hakkararnir birtu á Internetinu er aðgangur að upplýsingum hvers aðgangs falur fyrir tíu sent, eða um 12 krónur íslenskar. Auglýsingin hefur verið fjarlægð.

Netöryggisfyrirtækið Digital Shadows rannsakaði fullyrðingar hakkaranna um fjölda aðganga. Ekki var hægt að staðfesta að fleiri en 81 þúsund notendur hefðu orðið fyrir tölvuárásinni. Þá hafði BBC samband við fimm af téðum 81 þúsund notendum. Meðal upplýsinga af Facebook-aðgöngum þeirra, sem lekið hafði verið á netið, voru myndir úr sumarfríi og einkaskilaboð sem innihéldu umkvartanir vegna tengdasonar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
4,36
82
1.091.920
ORIGO
2,25
2
3.481
REITIR
1,24
3
101.924
HEIMA
0,91
1
11
ARION
0,87
3
130.285

Mesta lækkun dagsins


Félag
Br.%
Fjöldi
Velta*
LEQ
-0,84
1
200
VIS
-0,71
2
2.480
MARL
-0,52
10
181.238
FESTI
-0,2
3
42.932
SKEL
0
1
500
Velkomin á Vísi. Þessi vefur notar vafrakökur. Sjá nánar.