Viðskipti innlent

Staða WOW air hafi verið verst geymda leyndarmál íslensks efnahagslífs

Margrét Helga Erlingsdóttir skrifar
Jóhannes Þór Skúlason formaður Samtaka ferðaþjónustunnar segir að kaup Icelandair Group á WOW air hafi að mestu eytt óvissuástandi innan ferðaþjónustunnar á Íslandi.
Jóhannes Þór Skúlason formaður Samtaka ferðaþjónustunnar segir að kaup Icelandair Group á WOW air hafi að mestu eytt óvissuástandi innan ferðaþjónustunnar á Íslandi. Samsett mynd
Jóhannes Þór Skúlason framkvæmdastjóri Samtaka ferðaþjónustunnar segir að erfið staða WOW air hafi verið verst geymda leyndarmál íslensks efnahagslífs.

Kaup Icelandair Group á WOW air, sem tilkynnt var um gær, hafi því verið ákveðinn léttir fyrir ferðaþjónustufyrirtæki á Íslandi því samruninn, gangi hann eftir, eyðir þeirri óvissu sem verið hefur í ferðaþjónustunni á Íslandi.

„Það kom greinilega í ljós um síðustu mánaðamót að staðan væri jafnvel verri en menn voru að vonast til,“ segir Jóhannes Þór sem var gestur í útvarpsþættinum Reykjavík Síðdegis í dag.

Hefði þýtt stórt áfall fyrir efnahagslífið

Án samrunans hefði staðan geta orðið mun verri fyrir ferðaþjónustuna hér á landi. „Hinn kosturinn í stöðunni var það að WOW hyrfi af markaði og það hefði þýtt mjög mikið og stórt áfall fyrir ferðaþjónustuna og þar með íslenskt efnahagslíf í heild sinni.“

Hann tekur mið af greiningu samráðshóps Stjórnarráðsins sem hafi gert ráð fyrir afdrifaríkum afleiðingum eins og atvinnuleysi og lækkun á hagvexti hefði annað hvort flugfélaganna farið í þrot.

Kaup Icelandair Group á WOW air voru tillkynnt í gær.

Óvissunni að mestu eytt

„Menn horfa þá inn í næsta vetur og sumar með vissu um hvernig þetta muni verða. Svo verðum við að sjá hvernig aðrir hlutir þróast í þessu, hvernig Icelandair ætlar að haga þessum samruna og hvaða leiðir þeir ætla að leggja áherslu á og svo framvegis,“ segir Jóhannes Þór.

Hann segir að ferðaþjónustufyrirtæki hafi þurft að glíma við mikinn kostnað að undanförnu, bæði vegna gengis-og launaþróunar og að fyrirsjáanleiki sé því kærkominn fyrir efnahagslífið.

 

Tímaspursmál hvenær miðaverð hækkar

Jóhannes Þór segir að það sé eðlilegt að landsmenn séu að velta fyrir sér mögulegum áhrifum samrunans fyrir hinn almenna neytanda. Hann segir að það sé nær óhjákvæmilegt að flumiðaverð muni hækka með tíð og tíma bæði í ljósi þess að aukin samkeppni hafi keyrt niður miðaverð og vegna hás olíuverðs.

„Það er bara tímaspursmál hvenær það [miðaverð hækki] gerist og það á ekki bara við um Ísland og íslensk flugfélög, það á við í rauninni um flugfargjöld yfir Atlantshafið og í heiminum yfir höfuð,“ segir Jóhannes Þór sem bætir við að ein af undirrótum vanda WOW air hafi verið hvað flugfargjöld hafi lækkað mikið á undanförnum árum.

Jóhannes Þór telur því óhætt að áætla að farmiðaverð muni hækka upp að einhverju marki en bætir við að það sé að öllum líkindum óþarfi að hafa áhyggjur af því að það muni hækka upp í rjáfur.

Í spilaranum hér að neðan er hægt að hlusta á viðtalið við framkvæmdastjóra Samtaka ferðaþjónustunnar í heild.


Tengdar fréttir

Skúli Mogensen: Einhverjir erfiðustu 72 tímar í lífi mínu

Skúli Mogensen, stofnandi WOW Air, segir að síðustu þrír sólarhringar hafi verið einhverjir þeir erfiðustu í lífi hans. Ákvörðunin um að selja flugfélagið til Icelandair hafi verið honum þungbær en um leið segist hann telja að það hafi verið rétt ákvörðun.

Icelandair kaupir WOW air

Stjórn Icelandair Group hefur gert kaupsamning um kaup á öllu hlutafé í flugfélaginu WOW air. Kaupin eru m.a. gerð með fyrirvara um samþykki hluthafafundar Icelandair Group, samþykki Samkeppniseftirlitsins og niðurstöðu áreiðanleikakönnunar.

Með flóknari samrunamálum hér á landi

Samkvæmt reglum samkeppnisréttar getur samruni fyrirtækis á fallanda fæti, til dæmis fyrirtækis á barmi gjaldþrots, verið heimilaður þrátt fyrir að samruninn sé skaðlegur samkeppni.






Fleiri fréttir

Sjá meira


×