Viðskipti erlent

Notendur fá tíu mínútur til að þurrka út skilaboðin sem þeir sjá eftir að hafa sent

Kristín Ólafsdóttir skrifar
Mark Zuckerberg, stofnandi Facebook.
Mark Zuckerberg, stofnandi Facebook. Getty/David Paul Morris

Samfélagsmiðillinn Facebook hyggst bjóða notendum sínum upp á nýjan möguleika í skilaboðasendingum, að því er fram kemur í tilkynningu frá fyrirtækinu. Notendur munu fljótlega geta þurrkað út skilaboð á Facebook Messenger sem þeir sjá eftir að hafa sent.

Tilkynning um viðbótina var birt í kynningu fyrir nýja uppfærslu á samskiptaforriti Facebook, Messenger.

„Á döfinni: Fjarlægðu skilaboð úr spjallþræði eftir að þau hafa verið send. Ef þú sendir óvart ranga mynd, rangar upplýsingar eða sendir skilaboðin í rangan þráð, geturðu auðveldlega leiðrétt mistökin með því að fjarlægja skilaboðin innan tíu mínútna frá sendingu,“ segir í tilkynningunni.

Hingað til hafa notendur getað eytt skilaboðum sem þeir senda á Messenger en skilaboðin þurrkast þó aðeins út þeirra megin. Þetta er því í fyrsta skipti sem boðið er upp á að fjarlægja skilaboð áður en notandinn á hinni línunni sér þau.

Þannig munu margir eflaust sjá not fyrir hinn nýja möguleika, sem kemur sér eflaust vel þegar eitthvað er sent í óðagoti – eða jafnvel ölæði.

Sjálfur hefur Mark Zuckerberg, stofnandi Facebook, notast við sambærilega viðbót í skilaboðasendingum sínum. Hann var harðlega gagnrýndur á dögunum eftir að upp komst að Facebook hafði eytt margra ára gömlum skilaboðum sem hann hafði sent öðrum notendum.


Tengdar fréttir

Vafasamt að spjalla um hvað sem er

Ekki er hægt að tryggja að enginn komist í skilaboðin sem þú hefur sent í gegnum Facebook. Flestir nota sömu lykilorð alls staðar og þeim lykilorðum er síendurtekið lekið. Blaðamaður var örfáar mínútur að finna síðu þar sem hægt var að kaupa aðgang að stolnum lykilorðum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
4,36
82
1.091.920
ORIGO
2,25
2
3.481
REITIR
1,24
3
101.924
HEIMA
0,91
1
11
ARION
0,87
3
130.285

Mesta lækkun dagsins


Félag
Br.%
Fjöldi
Velta*
LEQ
-0,84
1
200
VIS
-0,71
2
2.480
MARL
-0,52
10
181.238
FESTI
-0,2
3
42.932
SKEL
0
1
500
Velkomin á Vísi. Þessi vefur notar vafrakökur. Sjá nánar.