Erlent

Fjölskylda fannst látin í óbyggðum Ástralíu

Atli Ísleifsson skrifar
Síðast sást til fólksins þegar það yfirgaf þorpið Willowra síðastliðinn föstudag. Myndin tengist fréttinni ekki beint.
Síðast sást til fólksins þegar það yfirgaf þorpið Willowra síðastliðinn föstudag. Myndin tengist fréttinni ekki beint. Getty/Justin Mckinney

Þrír eru látnir og drengs er enn saknað eftir að bíll þeirra bilaði í óbyggðum Ástralíu. Lögregla í Ástralíu segir að karl og kona, bæði nítján ára, og þriggja ára sonur þeirra hafi fundist látin á afskekktum vegi, um þúsund kílómetrum suður af Darwin í gær.

Ekki er talið að dauði fólksins hafi borið að með saknæmum hætti og er hún rannsakað hvort að mikill hiti hafi orðið til þess að fólkið lést. Leit stendur nú yfir að tólf ára dreng, sem talið er að hafi verið með þeim í bílnum. BBC greinir frá málinu.

Síðast sást til fólksins þegar það yfirgaf þorpið Willowra síðastliðinn föstudag. Lík þremenninganna fundust fjórum og hálfum kílómetra frá bílnum.

Hitinn yfir 40 gráður
Lögreglumaðurinn Jody Nobbs segir í samtali við ABC að ekki verði gefið upp að svo stöddu hvernig tólf ára drengurinn tengist fjölskyldunni.

Hitastig á svæðinu hefur ítrekað mælst yfir fjörutíu gráður að undanförnu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.