Lífið

Idris Elba valinn kynþokkafyllsti karlmaður veraldar

Stefán Árni Pálsson skrifar
Idris Elba þykir mjög svo fallegur.
Idris Elba þykir mjög svo fallegur. vísir/ap

Breski leikarinn Idris Elba hefur verið valinn kynþokkafyllsti karlmaður heims af bandaríska tímaritinu People.

Elba hefur í gegnum tíðina verið þekktur fyrir hlutverk sín í The Wire, Molly´s Game, The Jungle Book og Avengers: Infinity War. Einnig hefur hann verið orðaður við hlutverk James Bond að undanförnu.

Hann er aðeins þriðji blökkumaðurinn í sögunni sem unnið hefur verðlaunin en áður höfðu þeir Denzel Washington og Dwayne Johnson verið valdir.

„Þú ert að djóka? Í alvörunni?,“ sagði þessi 46 ára breski leikari í samtali við People.

„Ég horfði á sjálfan mig í speglinum, skoðaði mig smá, og hugsaði já þú er frekar kynþokkafullur í dag.“

Bandaríski tónlistarmaðurinn Blake Shelton varð fyrir valinu á síðasta ári.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.