Fótbolti

Arnór valinn í fyrsta sinn og Aron Einar snýr aftur

Óskar Ófeigur Jónsson og Tómas Þór Þórðarson skrifa
Arnór Sigurðsson fær sitt fyrsta tækifæri með A-landsliðinu.
Arnór Sigurðsson fær sitt fyrsta tækifæri með A-landsliðinu. vísir/getty

Erik Hamrén, landsliðsþjálfari í fótbolta, tilkynnti í dag hópinn sem að mætir Belgíu og Katar í síðustu landsleikjum ársins. Strákarnir okkar mæta Belgíu á fimmtudaginn í næstu viku í síðasta leik liðsins í Þjóðadeildinni og svo Katar í vináttuleik.

Hamrén kallar á fimm leikmenn sem voru ekki með í síðasta verkefni en sex leikmenn geta ekki tekið þátt í leikjunum vegna meiðsla.

Eins og flestir bjuggust við er Arnór Sigurðsson, leikmaður CSKA Moskvu, í leikmannahópnum í fyrsta sinn en hann skoraði sitt fyrsta meistaradeildarmark í vikunni á móti Roma. Hann varð um leið yngsti Íslendingurinn til að skora í Meistaradeildinni.

Landsliðsfyrirliðinn Aron Einar Gunnarsson snýr einnig aftur í hópinn en hann hefur ekkert spilað undir stjórn Erik Hamrén vegna meiðsla. Aron er kominn á skrið með Cardiff í ensku úrvalsdeildinni og verður gott fyrir íslenska liðið að fá miðjumanninn öfluga aftur.

Fimm leikmenn koma nú inn í liðið. Það eru þeir Hjörtur Hermannsson, Eggert Gunnþór Jónsson, Guðmundur Þórarinsson, Arnór Sigurðsspn og Aron Einar Gunnarsson.

Sex leikmenn eru meiddir og geta ekki tekið þátt í þessum leikjum. Þeir eru Jón Daði Böðvarsson, Hólmar Örn Eyjólfsson, Rúnar Már Sigurjónsson, Emil Hallfreðsson, Björn Bergmann Sigurðsson og Ragnar Sigurðsson.






Hópurinn:

Markverðir:
Hannes Þór Halldórsson, Qarabag
Rúnar Alex Rúnarsson, Dijon
Ögmundur Kristinsson, Larissa

Varnarmenn:
Birkir Már Sævarsson, Valur
Eggert Gunnþór Jónsson, Sönderyske
Kári Árnason, Gençlerbirligi
Ari Freyr Skúlason, Lokeren
Sverrir Ingi Ingason, Rostov
Hörður Björgvin Magnússon, CSKA Moskva
Jón Guðni Fjóluson, Krasnodar
Hjörtur Hermannsson, Bröndby
Guðmundur Þórarinsson, IFK Norrköping

Miðjumenn:
Aron Einar Gunnarsson, Cardiff
Samúel Kári Friðjónsson, Valerenga
Birkir Bjarnason, Aston Villa
Jóhann Berg Guðmundsson, Burnley
Arnór Ingvi Traustason, Malmö
Rúrik Gíslason, Sandhausen
Guðlaugur Victor Pálsson, FC Zürich
Arnór Sigurðsson, CSKA Moskva

Sóknarmenn:
Gylfi Þór Sigurðsson, Everton
Jón Dagur Þorsteinsson, Vendsyssel
Kolbeinn Sigþórsson, Nantes
Albert Guðmundsson, AZ Alkmaar
Alfreð Finnbogason, Augsburg


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.