Viðskipti erlent

Rekinn fyrir að breyta skólanum í gagnaver

Stefán Ó. Jónsson skrifar
Tölvurnar voru svo háværar og netfrekar að það var farið að hafa áhrif á kennslu, að sögn nemenda og starfsfólks.
Tölvurnar voru svo háværar og netfrekar að það var farið að hafa áhrif á kennslu, að sögn nemenda og starfsfólks. Weibo

Skólastjóri í Kína hefur verið rekinn eftir að upp komst að hann hafði falið fjölda tölva í skólabyggingunni sem notaðar voru til að grafa eftir rafmyntum.

Starfsfólk og nemendur við skólann höfðu lengi kvartað undan miklu suði sem heyra mátti í skólanum, jafnt daga sem nætur. Þegar loksins var orðið við beiðni þeirra um rannsókn á suðinu komu tölvurnar í ljós.

Skólastjórinn hafði komið tölvunum fyrir í skólanum svo að hann þyrfti ekki sjálfur að standa straum af rafmagnsreikningunum sem rafmyntavinnslunni fylgdi, en að sögn breska ríkissútvarpsins hljóðaði reikningurinn upp á rúmlega 250 þúsund krónur.

Fjármálastjóri skólans hafði bent skólastjóranum, Lei Hua, á þessi óvæntu útgjöld. Skólastjórinn blés hins vegar á áhyggjur fjármálastjórans og sagði að rafmagnsreikninginn mætti skrifa á loftræstinguna og rafmagnsdrifið hitakerfi skólans.

Alls var níu tölvum komið fyrir í skólanum frá því um mitt ár 2017 og fram til síðastliðins sumars. Skólastjórinn er sagður hafa keypt sér eina tölvu í fyrra sem hann ætlaði að nota til að grafa eftir rafmyntum heima hjá sér - en snerist fljótlega hugur þegar hann sá hvað rafmagnsreikningur heimilsins var orðinn hár. Þá hafi hann ákveðið að flytja tölvuna í skólann og láta hann borga rafmagnsbrúsann.

Þarlendir miðlar segja að álagið á tölvu- og rafmagnskerfi skólans hafi verið orðið slíkt að það var farið að hafa áhrif á kennsluna. Sérfræðingur í rafmyntagreftri segir að níu tölvur sem keyrðar eru áfram daga og nætur hafi þar að auki án efa framkallað mikinn hita og hávaða. Það sé ekki beint til þess fallið að auka vinnufrið.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
HAGA
1,25
2
48.600
SKEL
0,66
3
89.276
GRND
0,62
1
16.100
SYN
0,2
3
127.020
MARL
0,13
7
28.952

Mesta lækkun dagsins


Félag
Br.%
Fjöldi
Velta*
ICEAIR
-1,39
10
48.327
VIS
-1,15
3
34.510
TM
-0,52
3
34.622
FESTI
-0,2
1
9.980
EIK
-0,13
1
7
Velkomin á Vísi. Þessi vefur notar vafrakökur. Sjá nánar.