Viðskipti erlent

Öflugari iPad og grænni Air

Stefán Ó. Jónsson skrifar
Tim Cook ásamt nýju Macbook Air
Tim Cook ásamt nýju Macbook Air Skjáskot

Eins og tæknigúrúar höfðu spáð reyndust stærstu fréttirnar frá haustkynningu Apple, sem fram fór í New York í dag, vera uppfærslur á MacBook Air-fartölvunni og iPad-spjaldtölvunum. Þar að auki kynnti fyrirtækið uppfærslu á örtölvunni Mac mini, sem og nýjan penna og fjölda smáforrita.

Þá er hægt að nálgast iOS 12.1, uppfærslu á snjalltækjastýrikerfi Apple, frá og með deginum í dag.

MacBook Air

Apple hefur sýnt þunnu fartölvunni sinni litla athygli á síðustu árum. Að frátalinni smávægilegri uppfærslu í fyrra hefur MacBook Air ekki fengið almennilega yfirhalningu í þrjú ár, eða allt frá því að Apple kynnti 12 tommu MacBook-tölvuna til leiks.

Tim Cook, forstjóri Apple, tilkynnti að nú yrði breyting þar á. MacBook Air hefur fengið nauðsynlega andlitslyftingu; 13,3 tommu Retina-skjá, hugbúnað sem býður upp á 16GB af RAM og 1.5TB SSD, tvö USB-C tengi og 3,5 millímetra heyrnartólatengi. Þar að auki er hún léttari en fyrri útgáfur, þó munurinn sé ekki nema um 100 grömm.

Þá er tölvan jafnframt með fingafaraskanna og stærri músarfleti en snertistikan, hin svokallaða Touch Bar, er hins vegar hveri sjáanleg. Tölvan mun kosta um 1200 dali vestanhafs og er því umtalsvert ódýrari en hefðbundin MacBook-fartölva. Þar að auki er nýja Air-tölvan að miklu leyti framleidd úr endurunnu áli. Apple segir því að um sé að ræða „grænustu“ tölvu á markaðnum.

iPad Pro er fáanlegur í tveimur stærðum. Apple

iPad Pro

Nýja útgáfa spjaldtölvunnar er útlitslega svipuð fyrsta iPadnum því mjúku útlínurnar eru á bak og burt. Hins vegar hefur Apple losað spjaldtölvuna við „home“-takkann, rétt eins og það gerði við snjallsíma fyrirtækisins, og fyrir vikið hefur verið hægt að stækka skjáinn á minni útgáfu spjaldtölvunnar úr 10,5 tommum í 11.

Apple var ekkert að spara stóryrðin á kynningunni. Þökk sé A12X Bionic-örgjörvarnum eiga iPad Pro-spjaldtölvurnar að vera öflugari en 92% allra fartölva sem seldar voru á síðasta ári. Þá eiga myndgæðin að jafnast á við XBOX One S-leikjatölvuna. Að sama skapi eigi spjaldtölvan að ráða við um 1 TB af geymsluplássi.

Nýju iPad Pro styðjast við USB-C tengi og munu því geta hlaðið rafhlöður nýlegra Apple-snjallsíma. Engu að síður munu núverandi eigendur iPad þurfa að skipta út snúrunum sem þeir hafa reitt sig á til þessa. Þá hefur verðið á spjaldtölvunum verið lækkað, en vestanhafs verður hægt fá 11 tommu iPad Pro frá 799 dölum og þá stærri frá 999 dölum. Báðar eru með 64 GB geymsluplássi.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
4,36
82
1.091.920
ORIGO
2,25
2
3.481
REITIR
1,24
3
101.924
HEIMA
0,91
1
11
ARION
0,87
3
130.285

Mesta lækkun dagsins


Félag
Br.%
Fjöldi
Velta*
LEQ
-0,84
1
200
VIS
-0,71
2
2.480
MARL
-0,52
10
181.238
FESTI
-0,2
3
42.932
SKEL
0
1
500
Velkomin á Vísi. Þessi vefur notar vafrakökur. Sjá nánar.