Sýningastjórinn Silva stýrði góðri skemmtun Hjörvar Ólafsson skrifar 22. október 2018 08:45 Silva á ferðinni. vísir/getty Manchester City bauð stuðningsmönnum sínum sem mættu á leik liðsins gegn Burnley til markaveislu. Eftir rólega byrjun á sýningunni þar sem Manchester City lét eitt mark duga í fyrri hálfleik, sallaði liðið inn mörkum í þeim seinni og áhorfendur fengu nóg fyrir peninginn. Það eitt að mæta til þess að sjá David Silva líða um völlinn og leika knattspyrnu á þann silkimjúka og fágaða hátt og hann gerir er nóg til þess að réttlæta hátt miðaverð. Silva er miðpunkturinn í flestum sóknaraðgerðum Manchester City og hann er ávallt búinn að sjá tvo til þrjá leiki fram í tímann áður en hann fær boltann. Það eru líklega fáir leikmenn sem jafn gaman er að spila með þar sem hann er einkar iðinn og lunkinn við að skapa góðar stöður og marktækifæri fyrir samherja sína. Sjáir þú til þess að vera réttur maður á réttum stað finnur hann leið til þess að koma þér í gott færi. Spánverjinn átti tvær stoðsendingar í öruggum 5-0 sigri Manchester City og leikmönnum Burnley var vorkunn að þurfa að vera hann í einn og hálfan tíma í eltingaleik sínum við leikmenn Manchester City. Lærisveinar Pep Guardiola leika sér að andstæðingum sínum eins og veikburða bráð. Þeir þreyta andstæðing sinn með léttleikandi spili sínu og undir lokin mátti sjá lafandi tungur á leikmönnum Burnley. Fernandinho og Riyad Mahrez lituðu sýninguna svo fallegum litum með stórglæsilegum mörkum sínum. Brasilíumaðurinn skoraði með hnitmiðuðu skoti sem hafnaði í samskeytunum og Alsíringurinn skoraði með skoti rétt utan vítateigs sem fór í fallegum boga fram hjá Joe Hart sem átti ekki skemmtilegar stundir í endurkomu sinni á sinn gamla heimavöll. Guardiola hefur látið hafa eftir sér að Silva sé einn besti leikmaður sem hann hefur stýrt á þjálfaraferli sínum. Listinn yfir þá heimsklassa knattspyrnumenn sem spænski stjórinn hefur þjálfað er bæði langur og fullur af leikmönnum sem hafa lengi verið í sérflokki. Það má svo sannarlega setja Silva í flokk með leikmönnum með einstaka náðargáfu og eru sér á báti hvað knattspyrnuhæfileika varðar.Aron Einar.vísir/gettyEndurkoma Arons Einars Gunnarssonar í lið Cardiff City gat ekki farið betur. Hann lék sinn fyrsta leik eftir að hafa glímt við meiðsli í tæpa fjóra mánuði þegar velska liðið mætti Fulham í fallbaráttuslag. Cardiff City hafði ekki tekist að fara með sigur af hólmi í deildinni á yfirstandandi leiktíð fyrir þennan leik. Aron Einar og liðsfélagar hans innbyrtu hins vegar sinn fyrsta sigur í þessum leik. Breskir fjölmiðlar fóru lofsamlegum orðum um íslenska landsliðsfyrirliðinn í umfjöllunum sínum um leikinn. Vefmiðillinn Walesonline sem fylgist vel með gangi mála hjá Cardiff City gaf Aroni Einari átta í einkunn. Um frammistöðu hans segir eftirfarandi í umfjöllun vefsíðunnar um leikinn. „Þetta var fyrsti leikur íslenska landsliðsmannsins á keppnistímabilinu og það var ekki að sjá á frammistöðunni að hann væri að snúa til baka eftir langa fjarverju. Hann var mjög öruggur með boltann, vann sín skallaeinvígi og missti boltann sárasjaldan inni á miðsvæðinu. Honum var vel tekið af stuðningsmönnum sem fögnuðu ákaft þegar hann tók fyrsta langa innkastið. Hann fékk verðskuldað lófatak fyrir frammistöðu sína." Aron Einar fellur eins og flís við rass við þann leikstíl sem Neil Warnock, knattspyrnustjóri Cardiff City, vill spila. Hann er góður í návígi, skilar boltanum vel frá sér og getur skapað usla með löngum innköstum sínum. Innkoma hans hafði jákvæð áhrif á liðið, en auk þess að spila vel í leiknum hefur hann sterka nærveru og leiðtogahæfileikar hans koma sér vel fyrir lið sem hefur lítið sjálfstraust. Enski boltinn Mest lesið Varði pabba-kroppinn eftir mynd af sér og Swift á ströndinni Sport Viðar Örn í KA Íslenski boltinn Boehly fær að fjúka 2027 Enski boltinn Þjálfari Leicester látinn fara vegna meints sambands við leikmann Enski boltinn Alonso fari hvergi og Liverpool snýr sér annað Enski boltinn „Veit að Kobe væri stoltur af mér“ Körfubolti Í beinni: Valur - Breiðablik | Hvort liðið byrjar tímabilið á titli? Íslenski boltinn „Verð dæmdur fyrir þetta restina af ævi minni“ Sport Leikmaður PSG biðst afsökunar á að hafa deilt niðrandi efni um LGBTQ-einstaklinga Fótbolti Arna spilar með FH næstu þrjú árin Íslenski boltinn Fleiri fréttir Alonso fari hvergi og Liverpool snýr sér annað Þjálfari Leicester látinn fara vegna meints sambands við leikmann Boehly fær að fjúka 2027 Tonali ákærður á Englandi fyrir fimmtíu meint brot Ætlar að kynna ensku úrvalsdeildina fyrir sundlaug í stúkunni Meiðslavandræði á Man. City fyrir stórleikinn á móti Arsenal Man. United sagt vilja fá stjóra Úlfanna í þjálfarateymið sitt Henson svarar fyrir sig: „Treyjurnar seljast á 50 þúsund“ Segir búning Henson þann ljótasta í sögunni Þarf að borga grískum auðmanni rúmar sex hundruð milljónir ESPN: Áhugi á Alberti í ensku úrvalsdeildinni Ólöglegt tímamótamark kom City á bragðið gegn United Segja að Ten Hag muni stýra Man United á næstu leiktíð Liverpool strákurinn markahæstur í undankeppninni Hættir hjá Bournemouth og tekur við sem íþróttastjóri Liverpool: „Treysti honum fullkomlega“ „Ég hata þau öll“ Ber engan kala til Jürgen Klopp Klopp hélt áfram að urða yfir fjölmiðlamanninn eftir að strunsa úr viðtalinu Utan vallar: Leikur fyrir snjallsímakynslóðina Núñez meiddist gegn Man United Fjórtán ára undrabarn valdi Man. City Nottingham Forest missir fjögur stig Klopp ósáttur við að fá ekki eina skiptingu í viðbót Fórnaði Arsenal fyrir konu Klopp sagði spurningu blaðamanns heimskulega og gekk burt Sjáðu mörkin úr stórleiknum í lýsingu Gumma Ben Búið að draga í undanúrslit enska bikarsins Ótrúleg dramatík þegar United sló Liverpool út úr bikarnum Arsenal gæti neitað Henry og bannað Saliba að fara Tvö mörk tekin af West Ham gegn Aston Villa Sjá meira
Manchester City bauð stuðningsmönnum sínum sem mættu á leik liðsins gegn Burnley til markaveislu. Eftir rólega byrjun á sýningunni þar sem Manchester City lét eitt mark duga í fyrri hálfleik, sallaði liðið inn mörkum í þeim seinni og áhorfendur fengu nóg fyrir peninginn. Það eitt að mæta til þess að sjá David Silva líða um völlinn og leika knattspyrnu á þann silkimjúka og fágaða hátt og hann gerir er nóg til þess að réttlæta hátt miðaverð. Silva er miðpunkturinn í flestum sóknaraðgerðum Manchester City og hann er ávallt búinn að sjá tvo til þrjá leiki fram í tímann áður en hann fær boltann. Það eru líklega fáir leikmenn sem jafn gaman er að spila með þar sem hann er einkar iðinn og lunkinn við að skapa góðar stöður og marktækifæri fyrir samherja sína. Sjáir þú til þess að vera réttur maður á réttum stað finnur hann leið til þess að koma þér í gott færi. Spánverjinn átti tvær stoðsendingar í öruggum 5-0 sigri Manchester City og leikmönnum Burnley var vorkunn að þurfa að vera hann í einn og hálfan tíma í eltingaleik sínum við leikmenn Manchester City. Lærisveinar Pep Guardiola leika sér að andstæðingum sínum eins og veikburða bráð. Þeir þreyta andstæðing sinn með léttleikandi spili sínu og undir lokin mátti sjá lafandi tungur á leikmönnum Burnley. Fernandinho og Riyad Mahrez lituðu sýninguna svo fallegum litum með stórglæsilegum mörkum sínum. Brasilíumaðurinn skoraði með hnitmiðuðu skoti sem hafnaði í samskeytunum og Alsíringurinn skoraði með skoti rétt utan vítateigs sem fór í fallegum boga fram hjá Joe Hart sem átti ekki skemmtilegar stundir í endurkomu sinni á sinn gamla heimavöll. Guardiola hefur látið hafa eftir sér að Silva sé einn besti leikmaður sem hann hefur stýrt á þjálfaraferli sínum. Listinn yfir þá heimsklassa knattspyrnumenn sem spænski stjórinn hefur þjálfað er bæði langur og fullur af leikmönnum sem hafa lengi verið í sérflokki. Það má svo sannarlega setja Silva í flokk með leikmönnum með einstaka náðargáfu og eru sér á báti hvað knattspyrnuhæfileika varðar.Aron Einar.vísir/gettyEndurkoma Arons Einars Gunnarssonar í lið Cardiff City gat ekki farið betur. Hann lék sinn fyrsta leik eftir að hafa glímt við meiðsli í tæpa fjóra mánuði þegar velska liðið mætti Fulham í fallbaráttuslag. Cardiff City hafði ekki tekist að fara með sigur af hólmi í deildinni á yfirstandandi leiktíð fyrir þennan leik. Aron Einar og liðsfélagar hans innbyrtu hins vegar sinn fyrsta sigur í þessum leik. Breskir fjölmiðlar fóru lofsamlegum orðum um íslenska landsliðsfyrirliðinn í umfjöllunum sínum um leikinn. Vefmiðillinn Walesonline sem fylgist vel með gangi mála hjá Cardiff City gaf Aroni Einari átta í einkunn. Um frammistöðu hans segir eftirfarandi í umfjöllun vefsíðunnar um leikinn. „Þetta var fyrsti leikur íslenska landsliðsmannsins á keppnistímabilinu og það var ekki að sjá á frammistöðunni að hann væri að snúa til baka eftir langa fjarverju. Hann var mjög öruggur með boltann, vann sín skallaeinvígi og missti boltann sárasjaldan inni á miðsvæðinu. Honum var vel tekið af stuðningsmönnum sem fögnuðu ákaft þegar hann tók fyrsta langa innkastið. Hann fékk verðskuldað lófatak fyrir frammistöðu sína." Aron Einar fellur eins og flís við rass við þann leikstíl sem Neil Warnock, knattspyrnustjóri Cardiff City, vill spila. Hann er góður í návígi, skilar boltanum vel frá sér og getur skapað usla með löngum innköstum sínum. Innkoma hans hafði jákvæð áhrif á liðið, en auk þess að spila vel í leiknum hefur hann sterka nærveru og leiðtogahæfileikar hans koma sér vel fyrir lið sem hefur lítið sjálfstraust.
Enski boltinn Mest lesið Varði pabba-kroppinn eftir mynd af sér og Swift á ströndinni Sport Viðar Örn í KA Íslenski boltinn Boehly fær að fjúka 2027 Enski boltinn Þjálfari Leicester látinn fara vegna meints sambands við leikmann Enski boltinn Alonso fari hvergi og Liverpool snýr sér annað Enski boltinn „Veit að Kobe væri stoltur af mér“ Körfubolti Í beinni: Valur - Breiðablik | Hvort liðið byrjar tímabilið á titli? Íslenski boltinn „Verð dæmdur fyrir þetta restina af ævi minni“ Sport Leikmaður PSG biðst afsökunar á að hafa deilt niðrandi efni um LGBTQ-einstaklinga Fótbolti Arna spilar með FH næstu þrjú árin Íslenski boltinn Fleiri fréttir Alonso fari hvergi og Liverpool snýr sér annað Þjálfari Leicester látinn fara vegna meints sambands við leikmann Boehly fær að fjúka 2027 Tonali ákærður á Englandi fyrir fimmtíu meint brot Ætlar að kynna ensku úrvalsdeildina fyrir sundlaug í stúkunni Meiðslavandræði á Man. City fyrir stórleikinn á móti Arsenal Man. United sagt vilja fá stjóra Úlfanna í þjálfarateymið sitt Henson svarar fyrir sig: „Treyjurnar seljast á 50 þúsund“ Segir búning Henson þann ljótasta í sögunni Þarf að borga grískum auðmanni rúmar sex hundruð milljónir ESPN: Áhugi á Alberti í ensku úrvalsdeildinni Ólöglegt tímamótamark kom City á bragðið gegn United Segja að Ten Hag muni stýra Man United á næstu leiktíð Liverpool strákurinn markahæstur í undankeppninni Hættir hjá Bournemouth og tekur við sem íþróttastjóri Liverpool: „Treysti honum fullkomlega“ „Ég hata þau öll“ Ber engan kala til Jürgen Klopp Klopp hélt áfram að urða yfir fjölmiðlamanninn eftir að strunsa úr viðtalinu Utan vallar: Leikur fyrir snjallsímakynslóðina Núñez meiddist gegn Man United Fjórtán ára undrabarn valdi Man. City Nottingham Forest missir fjögur stig Klopp ósáttur við að fá ekki eina skiptingu í viðbót Fórnaði Arsenal fyrir konu Klopp sagði spurningu blaðamanns heimskulega og gekk burt Sjáðu mörkin úr stórleiknum í lýsingu Gumma Ben Búið að draga í undanúrslit enska bikarsins Ótrúleg dramatík þegar United sló Liverpool út úr bikarnum Arsenal gæti neitað Henry og bannað Saliba að fara Tvö mörk tekin af West Ham gegn Aston Villa Sjá meira