Körfubolti

Martin með enn einn stórleikinn

Anton Ingi Leifsson skrifar
Martin í leik með Alba fyrr á leiktíðinni.
Martin í leik með Alba fyrr á leiktíðinni. vísir/getty
Martin Hermannsson átti enn einn glæsi leikinn fyrir Alba Berlin er liðið vann fjórtán stiga sigur, 82-68, á Arka Gdynia í Evrópubikarnum í körfubolta.

Leikið var í Mercedes Benz-höllinni fyrir framan rúmlega sjö þúsund áhorfendur í Berlín í kvöld og heimamenn byrjuðu af krafti.

Þeir voru 23-16 yfir eftir fyrsta leikhlutann og 40-35 yfir í hálfleik. Þeir lentu í brasi í þriðja leikhluta og voru lentir undir en spýttu í lófana í fjórða leikhluta og kláruðu verkefnið.

Martin hefur farið á kostum síðan að hann gekk í raðir liðsins í sumar og hann skoraði sextán stig í kvöld. Auk þess tók hann fjögur fráköst og gaf þrjár stoðsendingar.

Alba er í öðru sæti riðilsins með með þrjá sigra í fyrstu fjóru leikjunum en Arka er á botninum án stiga í B-riðli Evrópubikarsins.




Fleiri fréttir

Sjá meira


×