Kynningar

Dagur Sameinuðu þjóðanna: Við gefumst aldrei upp!

Heimsljós kynnir
Guðlaugur Þór Þórðarson utanríkisráðherra og Antoníó Guterres aðalframkvæmdastjóri Sameinuðu þjóðanna.
Guðlaugur Þór Þórðarson utanríkisráðherra og Antoníó Guterres aðalframkvæmdastjóri Sameinuðu þjóðanna.

António Guterres aðalframkvæmdastjóri Sameinuðu þjóðanna hvetur alla starfsmenn samtakanna að gefast aldrei upp í viðleitni sinni til að hrinda hugsjónum samtakanna í framkvæmd. Guterres viðhefur þessi ummæli í ávarpi í tilefni dagsins, Degi Sameinuðu þjóðanna, 24. október. Þann dag árið 1945 gekk sáttmáli samtakanna í gildi.

Í ávarpi sínu segir Antónío Guterres:

„Dagur Sameinuðu þjóðanna er haldinn á afmælisdegi stofnskrár okkar. Sáttmáli Sameinuðu þjóðanna er tímamótaskjal þar sem teknar eru saman vonir, draumar og óskir „okkar, hinna Sameinuðu þjóða.“

Á hverjum degi leitast karlar og konur Sameinuðu þjóðanna við að gefa sáttmálanum áþreifanlegt inntak.    

Þrátt fyrir erfiðleika og mótlæti, gefumst við aldrei upp. 

Sárasta fátækt er á undanhaldi en við horfum upp á vaxandi ójöfnuð. 

Samt gefumst við ekki upp, því við vitum að með því að minnka ójöfnuð glæðum við vonir og tækifæri og frið í heiminum.

Loftslagsbreytingar gerast hraðar en svo að við náum að spyrna við fótum, en við gefumst ekki upp því við vitum að loftslagsaðgerðir eru eina færa leiðin. 

Mannréttindi eru víða brotin. En við gefumst ekki upp því við vitum að virðing fyrir mannréttindum og mannlegri reisn eru frumforsendur friðar.

Átökum fjölgar – fólk líður þjáningar. En við gefumst ekki upp því við vitum að hver karl, kona og barn á skilið að lifa í friði.

Við skulum endurnýja heit okkar á degi Sameinuðu þjóðanna.

Að endurheimta glatað traust.  

Að græða sár jarðar.

Að skilja engan eftir.

Að viðhalda virðingu allra, sem sameinaðar þjóðir.”

(þýðing: UNRIC, Upplýsingaskrifstofa Sameinuðu þjóðanna)

‘Never give up’: UN chief urges all who serve, marking UN Day


Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.