Viðskipti innlent

Seldu samlokur fyrir tvo milljarða

Kristinn Ingi Jónsson skrifar
Alfreð Frosti Hjaltason og Arnþór Pálsson eigendur Sóma.
Alfreð Frosti Hjaltason og Arnþór Pálsson eigendur Sóma. Fréttablaðið/Valli
Hagnaður samlokufélagsins Sóma nam 199 milljónum króna á síðasta ári og jókst um ríflega 20 milljónir króna á milli ára, samkvæmt ársreikningi félagsins.

Rekstrartekjur Sóma, sem selur meðal annars tilbúnar samlokur, kjúklinga- og pastarétti og salöt, voru 2.039 milljónir króna í fyrra og jukust um 6 prósent frá fyrra ári þegar þær voru 1.923 milljónir. Rekstrargjöldin námu 1.805 milljónum króna á síðasta ári og jukust um 120 milljónir króna á milli ára en þar af hækkuðu laun og launatengd gjöld um 80 milljónir.

Um 88 manns störfuðu að meðaltali hjá Sóma í fyrra borið saman við 78 starfsmenn árið áður.

Eignir samlokufélagsins voru 936 milljónir króna í lok síðasta árs og var eigið fé þess 444 milljónir króna. kij






Fleiri fréttir

Sjá meira


×