Viðskipti erlent

Kínverjar kynna svar við verndartollum Trump

Kjartan Kjartansson skrifar
Tollastríð Trump við Kína og fleiri ríki hefur stigmagnast undanfarnar vikur.
Tollastríð Trump við Kína og fleiri ríki hefur stigmagnast undanfarnar vikur. Vísir/EPA

Tollar á bandarískar vörur að andvirði sextán milljarða dollara sem fluttar eru til Kína taka gildi síðar í þessum mánuði. Viðskiptaráðuneyti Kína tilkynnti þetta í dag en tollarnir eru svar við viðskiptahöftum Donalds Trump Bandaríkjaforseta.

Unnur umferð verndartolla Trump eiga að taka gildi 23. ágúst. Kínversku tollarnir taka gildi á sama tíma, að sögn breska ríkisútvarpsins BBC. Þeir beinast meðal annars að kolum, olíu, efnum og sumum lækningatækjum.

Áður hafði Trump lagt 25% toll á kínverskar vörur að andvirði 34 milljarða dollara. Hann hefur jafnframt hótað leggja frekari tolla á allt að 200 milljarða dollara af kínverskum vörum. Kínverjar hafa á móti hótað tollum á 60 milljarða dollara af bandarískum vörum til viðbótar.






Fleiri fréttir

Sjá meira


×