Lífið

Brást hratt við kynferðislegri áreitni

Þórhildur Erla Pálsdóttir skrifar
Á myndbandinu má sjá þar sem maðurinn brýtur á Holden.
Á myndbandinu má sjá þar sem maðurinn brýtur á Holden. Skjáskot/Youtube
Emelia Holden 21 árs þjónustustúlka á veitingastað, hikaði ekki við að taka málin í sínar eigin hendur þegar að maður gekk fram hjá henni og strauk afturenda hennar.

Í öryggismyndavélum frá veitingastaðnum Vinnie Van Go Go í Savannah í Georgíufylki sést maðurinn, Ryan Cherwinski koma við Holden þar sem hann gengur framhjá henni. Holden er snör í snúningum, snýr sér við og grípur í hálsmálið á bolnum hans og ýtir honum að afgreiðsluborðinu.

„Ég hugsaði ekki einu sinni, ég brást bara við. Ég veit ekki hvernig ég brást svona við. Ég hef aldrei gert neitt þessu líkt áður,“ sagði Emelia Holden í viðtali við People.

Holden sagði að hún hafi verið nýbúin að taka niður pöntun þegar atvikið átti sér stað. Hún hélt fyrst að einhver vinur hennar hefði gert þetta því þetta var mjög náin snerting.

Eftir að hafa ýtt manninum sagði hún samstarfsmanni sínum að hringja á lögregluna. Maðurinn var handtekinn og ákærður fyrir kynferðislega áreitni.

Myndbandið úr öryggismyndavélinni má sjá hér að neðan sem og viðtal við Holden.






Fleiri fréttir

Sjá meira


×