Innlent

Mætti til lögreglu og viðurkenndi kynferðisbrot gegn stjúpdóttur

Kolbeinn Tumi Daðason skrifar
Maðurinn leitaði sjálfur á lögreglustöð og viðurkenndi brot sín.
Maðurinn leitaði sjálfur á lögreglustöð og viðurkenndi brot sín. Vísir/Vilhelm
Karlmaður á Norðurlandi hefur verið dæmdur í tveggja ára fangelsi, skilorðsbundið að mestu, fyrir kynferðisbrot gegn stjúpdóttur sinni þegar hún var á leikskólaaldri. Lögregla rannsakaði málið en fellt niður að henni lokinni vegna skorts á sönnunargögnum. Maðurinn mætti hins vegar til lögreglu að eigin frumkvæði, viðurkenndi að mestu leyti brot sín og tók dómurinn mið af því við ákvörðun refsingar.

Í upphafi árs 2014 kviknaði grunur um að maðurinn hefði brotið kynferðislega gegn stúlkubarni, stjúpdóttur sinni. Lögregla rannsakaði málið en sönnunargögn þóttu ekki nægileg til að leið til ákæru. Í maí 2017 mætti maðurinn ásamt skipuðum verjanda á lögreglustöð og viðurkenndi að hafa brotið á stúlkunni frá því hún var um eins árs og til þriggja til fjögurra ára aldurs.

Viðurkenndi maðurinn að hafa haft önnur kynferðismök en samræði við barnið með því að beita ólögmætri nauðung vegna yfirburðastöðu sinnar gagnvart barninu. Hann hefði þuklað, strokið og sleikt kynfæri hennar og stundað sjálfsfróun auk þess að hafa látið barnið í eitt til tvö skipti strjúka getnaðarlim hans og snerta með munninum. Þá hefði hann tekið athæfið upp í eitt skipti og haft myndirnar í vörslu sinni í nokkurn tíma uns hann eyddi því. Auk þess hefði hann í eitt skipti, í ársbyrjun 2014, áreitt barnið kynferðisleg með því að kyssa hana tungukossi.

Tekið tillit til játningar og iðrunar

Játning mannsins fékk nokkra stöðu í gögnum sem aflað var við rannsókn málsins árið 2014. Með játningunni taldi dómurinn nægilega sannað að hann hefði gert það sem hann greindi sjálfur frá og var ákærður fyrir. Var lagður dómur á málið án frekari sönnunarfærslu.

Við ákvörðun refsingar leit dómurinn til þess að um var að ræða mjög alvarleg brot gegn ungu barni sem manninum var trúað fyrir og hafði fjölskyldutengsl við. Á hinn bóginn var einnig litið til þess að maðurinn hafði hreinan sakarferil og iðraðist mjög. Hann hefði fariðaf sjálfsdáðum til lögreglu og skýrt hreinskilnislega frá brotum sínum, meðal annars í því skyni að tryggt yrði að barnið fengi þá aðstoð sem það þyrfti á að halda til að takast á við afleiðingar brotanna.

Þótti tveggja ára fangelsi hæfileg refsing en 21 mánuður af 24 er skilorðsbundinn. Farið var fram á fjórar milljónir í bætur til barnsins en dómurinn taldi tvær milljónir hæfilega upphæð.

Dóminn í heild má lesa hér.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×