Íslenski boltinn

ÍA tapaði dýrmætum stigum í toppbaráttunni

Anton Ingi Leifsson skrifar
Jóhannes Karl er þjálfari Skagamanna.
Jóhannes Karl er þjálfari Skagamanna. vísir/ernir
ÍA missteig sig í toppbaráttu Inkasso-deildarinnar er liðið gerði markalaust jafntefli við Leikni Reykjavík. Á Selfossi vann Fram 3-1 sigur á heimamönnum.

Eftir markalausa jafnteflið í kvöld eru Skagamenn í þriðja sæti, tveimur stigum frá toppliði Þórs. Leiknismenn eru í sjöunda sætinu með fjórtán stig.

Á Selfossi voru Framarar í stuði. Helgi Guðjónsson, Guðmundur Magnússon og Tiago Fernandes skoruðu mörk Fram en Gilles Mbang Ondo klóraði í bakkann fyrir heimamenn.

Fram er í fimmta sætinu með sautján stig en Selfyssingar eru í níunda sætinu með ellefu stig. Þeir eru einungis einu stigi frá fallsæti.

Úrslit og markaskorarar eru fengnir frá Fótbolti.net.




Fleiri fréttir

Sjá meira


×