Fótbolti

Harry Kane fyrirliði Englands á HM

Ástrós Ýr Eggertsdóttir skrifar
Harry Kane mun leiða lið Englands út á völlinn í Rússlandi
Harry Kane mun leiða lið Englands út á völlinn í Rússlandi vísir/getty
Framherjinn Harry Kane mun bera fyrirliðabandið í leikjum Englands á HM í sumar. Landsliðsþjálfarinn Gareth Southgate tilkynnti þetta í dag.

Kane átti frábært tímabil með Tottenham í vetur þar sem hann var í harðri samkeppni við Mohamed Salah um gullskóinn áður en meiðsli settu strik í reikninginn hjá Kane snemma árs.

England hefur verið án fastráðins fyrirliða síðan Wayne Rooney lagði landsliðsskóna á hilluna á síðasta ári. Í þeim leikjum sem England hefur spilað frá brotthvarfi Rooney hafa Eric Dier og Jordan Hendersson borið fyrirliðabandið.

„Harry hefur einstaka eiginleika í persónuleika sínum. Hann er fagmaður fram í fingurgóma og eitt það mikilvægasta sem fyrirliðinn gerir er að setja fordæmi fyrir aðra liðsmenn,“ sagði Southgate á fundi í höfuðstöðvum enska landsliðsins í morgun.

„Hann trúir á liðið og það er frábært fyrir liðsfélagana að vera með fyrirliða sem hefur sýnt okkur öllum að það er hægt að vera meðal þeirra bestu í heimi í langan tíma.“








Fleiri fréttir

Sjá meira


×