Lífið

Steven Tyler hefur eytt 208 milljónum í fíkniefni

Stefán Árni Pálsson skrifar
Skemmtilegur leikur eins og alltaf.
Skemmtilegur leikur eins og alltaf.
Í spjallþættinum Late Late show með Bretanum James Corden er oft á dagskrá liðurinn Spill Your Guts or Fill Your Guts sem gengur út á það að maður á annað hvort að svara erfiðri spurningu eða borða einhvern algjöran viðbjóð.

Á dögunum var söngvarinn Steven Tyler gestur hjá Corden og tók hann þátt í dagskráliðnum með skemmtilegri útkomu.

Corden spurði Tyler mjög persónulegra spurninga og gat hann ekki svarað þeim öllum. Tyler var aftur á móti ekki í vandræðum með að svara því hversu miklum fjármunum hann hefði eytt í fíkniefni.

Upphæðin er tvær milljónir dollara eða því sem samsvarar 208 milljónum íslenskra króna.

„Ég hef sniffað hálfa Perú,“ sagði Tyler við Corden en hér að neðan má sjá allt innslagið.






Fleiri fréttir

Sjá meira


×