Fótbolti

Enginn Robben er Bayern þarf að skrifa nýjan kafla í knattspyrnusöguna

Henry Birgir Gunnarsson skrifar
Svekkelsið var mikið hjá Robben er hann fór af velli í fyrri leiknum.
Svekkelsið var mikið hjá Robben er hann fór af velli í fyrri leiknum. vísir/getty
Annað kvöld bíður leikmanna FC Bayern risaverkefni í Madrid og það verkefni þarf liðið að klára án Arjen Robben.

Robben meiddist í fyrri leiknum gegn Real Madrid í undanúrslitum Meistaradeildar Evrópu. Hann hefur ekki náð og mun því ekki spila í Madrid annað kvöld.

Real vann fyrri leikinn í Þýskalandi, 1-2, og ekkert lið hefur náð að snúa 1-2 tapi á heimavelli við í seinni leiknum. Það er því Bayern að endurskrifa söguna.

Góðu tíðindi fyrir Bayern eru aftur á móti þau að David Alaba og Javi Martinez eru klárir í bátana.

Það er lítið meiðslavesen á Madridingum en Dani Carvajal mun líklega ekki geta spilað vegna meiðsla. Isco var tæpur en æfði með liðinu í dag og virðist vera í lagi.




Fleiri fréttir

Sjá meira


×