Enski boltinn

Conte hrósar Morata

Anton Ingi Leifsson skrifar
Morata fagnar markinu í kvöld.
Morata fagnar markinu í kvöld. vísir/getty
Antonio Conte, stjóri Chelsea, hrósaði karakter Alvaro Morata, framherja sínum hjá Chelsea, eftir að hann skoraði fyrra mark Chelsea í 2-1 bikarsigri á Leicester í gær. Morata hafði gengið í gegnum mikla markaþurrð fram að þessu marki.

„Í kvöld börðumst við mikið gegn Leicester. Við sýndum mikla löngun og mikinn vilja. Fyrir Alvaro þá var mjög mikilvægt að skora. Ég er mjög ánægður með frammistöðu hans,” sagði stjórinn í leikslok.

„Hann spilaði mjög vel, sýndi frábæran karakter, hann sýndi styrk. Ég held að markið verði mjög mikilvægt fyrir framtíðina hjá okkur,” sagði Conte sem hrósaði Pedro einnig:

„Pedro er svo annar leikmaður sem setur allt sitt í að hjálpa liðinu, jafnt hvort sem hann byrjar eða kemur inn á. Ég er mjög ánægður fyrir hann. Þetta er frábært fyrir hann og frábært fyrir liðið.”

Chelsea spilar gegn Southampton í undanúrslitum enska bikarsins.


Tengdar fréttir




Fleiri fréttir

Sjá meira


×