Körfubolti

Sjáðu skoppið sem skilaði sigri á síðustu sekúndunni

Óskar Ófeigur Jónsson skrifar
Quinndary Weatherspoon
Quinndary Weatherspoon Vísir/Getty
Dramatíkin er allráðandi í bandaríska háskólaboltanum þessa dagana og þar ráðast úrslitin oft á síðustu stundu.

Sigurkarfa Mississippi State liðsins stal senunni en þar er óhætt að segja að boltinn hafi fallið með liðinu.

Þegar hafa nokkrar magnaðar sigurkörfur litið dagsins ljós í NCAA úrslitakeppninni en ein sú magnaðasta frá helginni kom þó í NIT úrslitakeppninni.

 



NIT keppnin eða National Invitation Tournament er keppni milli þeirra liða sem rétt misstu af boði í úrslitakeppni NCAA.

Lið Mississippi State og Baylor áttust við í sextán liða úrslitum keppninnar um helgina og þar réðust úrslitin á lokasekúndunni.

Baylor komst yfir í 77-75 þegar 5,1 sekúnda var eftir og lið Mississippi State átti ekki leikhlé. Liðið þurfti því að fara alla völlinn og ná skoti.

Leikmenn keyrðu upp völlinn og Quinndary Weatherspoon náði góðu þriggja stiga skoti. Skotið hitti hinsvegar hringinn og leiktíminn rann út.









Heppnin var hinsvegar með Quinndary og félögum því boltinn fór beint upp og datt síðan niður í körfuna eftir að klukkan sýndi 0:00.







Leikmenn Mississippi State fögnuðu gríðarlega og ekki minna í klefanum þegar hetjan kom inn í búningsklefann eins og sjá má hér fyrir neðan.










Fleiri fréttir

Sjá meira


×