Landsliðsframherjinn Jón Daði Böðvarsson var kosinn leikmaður mánaðarins hjá enska b-deildarfélaginu Reading en hann átti magnaðan jánúarmánuð.

Jón Daði hafði áður fengið verðlaunin fyrir besta mark mánaðarins og hann er fyrsti leikmaðurinn í hjá Reading á þessu tímabili sem vinnur tvöfalt.

Það eru stuðningsmenn Reading sem kusu um bæði verðlaunin og íslenski framherjinn er hátt metinn þessa dagana.

5 goals for @jondadi in January helped to secure the @BeWiser Player of the Month award!

Find out more here: https://t.co/iiCqXKwTWj pic.twitter.com/qdD1YVLqAM
— Reading FC (@ReadingFC) February 12, 2018

Jón Daði var frábær í janúar og skoraði meðal annars fimm mörk í mánuðinum. Hér fyrir neðan má sjá stuttu viðtal sem var tekið við hann í tilefni af verðlaununum.

After scoring 5️times last month and putting in a set of hard-working performances, you voted for @jondadi as your @BeWiser Player of the Month!

More here: https://t.co/iiCqXKwTWj pic.twitter.com/wGMgc3Bkp4
— Reading FC (@ReadingFC) February 12, 2018

„Ég er stoltur og ánægður að hafa fengið svona kosningu hjá stuðningsmönnunum og það sýnir að ég er að gera eitthvað rétt. Auðvitað hefði ég viljað að liðinu gengi betur en ég ætla líta á jákvæðu hlutina hjá mér sjálfum og stefni á að bæta minn leik enn frekar. Vonandi tekst mér að skila mínu til liðsins og hjálpa okkur að fara að vinna leiki,“ sagði Jón Daði.

Okkar maður fær tækifæri til að halda upp á þetta í heitari loftslagi á Spáni en þangað fer liðið í stuttar æfingabúðir yfir bikarhelgina.

Leikmenn mánaðarins hjá Reading:
Ágúst 2017: Liam Kelly
September 2017: Liam Moore
Október 2017: Leandro Bacuna
Nóvember 2017: Mo Barrow
Desember 2017: Mo Barrow
Janúar 2018: Jón Daði Böðvarsson