Handbolti

Dagur og Guðmundur mætast í úrslitaleik um sæti í undanúrslitum

Tómas Þór Þórðarson skrifar
Dagur mun enn og aftur mæta Guðmundi
Dagur mun enn og aftur mæta Guðmundi vísir/getty
Dagur Sigurðsson, landsliðsþjálfari Japan, og Guðmundur Guðmundsson, þjálfari Barein, mætast með liðum sínum í hreinum úrslitaleik um sæti í undanúrslitum Asíumótsins á morgun.

Guðmundur og lærisveinar hans í Barein töpuðu fyrir Katar, 29-21, í dag en með sigrinum tryggði Katar sér sigur í milliriðli tvö. Katar hefur unnið tvö síðustu Asíumót en liðið lagði Barein í bæði skiptin í úrslitaleik.

Japanska liðið vann sjö marka sigur á Sameinuðu arabísku furstadæmunum, 27-20, en í gær tapaði Japan með 17 marka mun fyrir Katar.

Barein og Japan eru með tvö stig og mætast í hreinum úrslitaleik á morgun um sæti í undanúrslitum.

Í hinum milliriðlinum eru Sádi Arabía og Suður-Kórea komin áfram.




Fleiri fréttir

Sjá meira


×