Handbolti

Einkunnir Íslands: Aron maður leiksins

Eiríkur Stefán Ásgeirsson skrifar
Okkar menn fögnuðu eftir leikinn í kvöld.
Okkar menn fögnuðu eftir leikinn í kvöld. Vísir/EPA

Aron Pálmarsson var maður leiksins samkvæmt einkunnagjöf HB Statz er Íslendingar lögðu Svía að velli á EM í handbolta í kvöld, 26-24. Björgvin Páll Gústavsson og Ólafur Guðmundsson voru ekki langt undan.

HB Statz og Vísir munu birta einkunnir, tölfræði og umsagnir um leikmenn Íslands á meðan EM í Króatíu stendur en hér fyrir neðan má sjá einkunnir strákanna okkar fyrir frammistöðuan gegn Svíum.

Aron Pálmarsson 8,1
Mörk (skot): 3 (7)
Skotnýting: 42,9%
Sköpuð færi (stoðsendingar): 10 (8)
Tapaðir boltar: 6
Löglegar stöðvanir: 4
Stolnir boltar: 1

Umsögn: Stjórnaði íslenska liðinu af mikilli festu og skoraði afar mikilvæg mörk. Þetta var einn besti landsleikur Arons í langan tíma. Hann hélt haus allan leikinn sem hefur verið hans akkilesarhæll undanfarin misseri.

Björgvin Páll Gústavsson 7,4
Varin (skot): 15/2 (39/2)
Hlutfallsmarkvarsla: 38,5%

Umsögn: Var með fýlusvip í leikjunum í Þýskalandi um helgina og var einfaldlega slakur þá. En í Split sýndi hann hvað hann getur þegar mest á reynir. Hann var í sama formi gegn Svíum og hann var í á Ólympíuleikunum í Peking fyrir tæpum áratug, er Íslendingar unnu silfur. Til hamingju, Björgvin - meira af þessu!

Ólafur Guðmundsson 7,3
Mörk (skot): 7 (14)
Skotnýting: 50%
Sköpuð færi (stoðsendingar): 1 (1)
Löglegar stöðvanir: 5

Umsögn: Líklegast sá leikmaður sem hefur mátt þola mesta gagnrýni undanfarin ár, eins og hann átti skilið. En sýndi í kvöld og í síðustu leikjum að hann er ekki aðeins ein besta skytta sem við höfum átt heldur var hann frábær í vörninni. Einn besti maður íslenska liðsins.

Guðjón Valur Sigurðsson 7,0
Mörk (skot): 5 (9)
Skotnýting: 55,6%
Löglegar stöðvanir: 1
Stolnir boltar: 1

Umsögn: Stóð sig með prýði. Bar liðið á herðum sér, skoraði mikilvæg mörk og virkaði jákvæður á vellinum. Var duglegur að rífa upp samherja sína þegar Svíar komu með áhlaup sín á forystu íslenska liðsins.

Arnór Þór Gunnarsson 6,9
Mörk (skot): 5 (6)
Skotnýting: 83,3%
Stolnir boltar: 2

Umsögn: Skilaði frábæru verki og stóð svo sannarlega fyrir sínu. Nýtti færin sín vel og á ekki langt að sækja góða skapgerð - það geislar af honum eftir frábæra frammistöðu í þýsku B-deildinni í vetur.

Rúnar Kárason 6,3
Mörk (skot): 5 (9)
Skotnýting: 55,6%
Sköpuð færi (stoðsendingar): 1 (1)
Tapaðir boltar: 1

Umsögn: Var langt frá sínu besta í leikjunum gegn Þýskalandi um helgina en líkt og á HM í fyrra sýndi hann okkur hvað hann getur. Á það hins vegar til að detta út úr leikjum eins og hann gerði í kvöld. Annars hnökralaust af hans hálfu.

Bjarki Már Gunnarsson 5,8
Löglegar stöðvanir: 3

Umsögn: Stóð sig vel í íslensku vörninni. Geir var gagnrýndur fyrir valið á honum fyrir þetta mót. En hann er maðurinn sem ræður við 100+ kg skrokka og er það jákvæð umsögn um Olísdeildina hversu vel hann stóð sig.

Janus Daði Smárason 5,5
Mörk (skot): 1 (2)
Skotnýting: 50%
Sköpuð færi (stoðsendingar): 1 (0)
Fiskuð víti: 1

Umsögn: Átti frábæra innkomu undir lok leiksins, sem skipti máli þegar Svíar sóttu að okkar mönnum. Hann var ekki í takti í leikjunum gegn Þýskalandi en er hins vegar mikið efni sem á enn eftir að sýna hvað í honum býr.

Ásgeir Örn Hallgrímsson 5,3
Mörk (skot): 0 (2)
Sköpuð færi (stoðsendingar): 1 (0)
Fiskuð víti: 1
Löglegar stöðvanir: 2
Blokk (varin skot): 1

Umsögn: Vanmetinn leikmaður. Besti leikmaður íslensku varnarinnar - það sýndi hann í leikjunum gegn Þýskalandi. Áhorfendur fengu það staðfest í leiknum í kvöld. Fær lítið hrós og á mun meira skilið.

Arnar Freyr Arnarsson 5,3
Mörk (skot): 0 (1)
Fiskuð víti: 3
Löglegar stöðvanir: 1

Umsögn: Tók sig saman í andlitinu eftir leikina gegn Svíum á Íslandi í október. Það er til fyrirmyndar að sjá hvað hann hefur tekið sjálfan sig vel í gegn. Þetta er leikmaður sem getur orðið mun betri en Rússajeppinn Sigfús Sigurðsson sem á sínum tíma var einn sá besti í heimi.

Ómar Ingi Magnússon 4,8
Tapaðir boltar: 2
Löglegar stöðvanir: 1

Umsögn: Afar klókur leikmaður. Hefur leikskilning upp á tíu. Náði að róa leik íslenska liðsins í kvöld þegar hann kom við sögu. En við verðum að fá meira út úr leikmanni í hans stöðu. Hann er hins vegar ungur og engin ástæða til að örvænta.

Bestu menn Svía samkvæmt HB Statz:
Mikael Appelgren 8,3
Jim Gottfridsson 7,6
Albin Lagergren 6,5
Mattias Zachrisson 6,2


Tengdar fréttir

Ólafur: Verður gaman að mæta á æfingu eftir mót

Ólafur Guðmundsson, maður leiksins í sigri Íslands á Svíum á EM í Króatíu, segir að það hafi farið örlítið um hann þegar Svíar minnkuðu muninn í leiknum hægt og þétt. Hann segir þó að sigurinn hafi verið erfiður, en sætur.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira