Lífið kynningar

Opna líkamsræktarstöð í kartöflugeymslu

Sif Garðarsdóttir og Guðjón Ingi Sigurðarson munu opna glæsilega líkamsræktarstöð í gömlu kartöflugeymslunum í Elliðaárdal í janúar. Þar verður lögð áhersla á einstaklingsmiðaða þjálfun.  mynd/Eyþór
Sif Garðarsdóttir og Guðjón Ingi Sigurðarson munu opna glæsilega líkamsræktarstöð í gömlu kartöflugeymslunum í Elliðaárdal í janúar. Þar verður lögð áhersla á einstaklingsmiðaða þjálfun. mynd/Eyþór

KYNNING: Train Station er ný og sérhæfð líkamsræktarstöð sem hefur starfsemi í janúar í gömlu kartöflugeymslunum í Elliðaárdal. Stöðin býður upp á fjölbreytta valkosti fyrir þá sem vilja æfa í hóp.

„Train Station er flott, sérhæfð líkamsræktarstöð þar sem lögð er áhersla á faglega einstaklingsmiðaða hópþjálfun sem sniðin er að markmiðum hvers og eins. Við verðum einnig með einkaþjálfun sem og styrktarþjálfun fyrir 60 ára og eldri,“ segir Sif Garðarsdóttir en hún opnar ásamt Guðjóni Inga Sigurðarsyni nýja líkamsræktarstöð í gömlu kartöflugeymslununum í Elliðaárdal í janúar.

„Umhverfið er dásamlegt. Elliðárdalurinn er tilvalinn til íþróttaiðkunar utandyra. Húsnæðið sjálft er mjög flott og allt unnið í nánu samstarfi við arkitekt út frá vistvænni hugmyndafræði,“ segir Sif.

Vistvæn hönnun

„Umhverfið er dásamlegt. Elliða­árdalurinn er tilvalinn til íþróttaiðkunar utandyra og munum við svo sannarlega nota okkur það þegar veður leyfir. Húsnæðið sjálft er mjög flott og allt unnið í nánu samstarfi við arkitekt út frá vistvænni hugmyndafræði. Við erum til dæmis með umhverfisvænar gúmmímottur á gólfum og þá er veitingasalan hjá okkur ekki byggð á fæðubótarefnum heldur á náttúrulegum hráefnum. Þeytingarnir verða framreiddir í umhverfisvænu plasti og við stefnum á að verða alveg plastlaus í framtíðinni.“

Fagleg nálgun

Þau Sif og Guðjón eiga bæði að baki áralanga reynslu sem þjálfarar. Guðjón er bæði einka- og styrktarþjálfari og fyrrverandi leikmaður í handbolta. Sif er einkaþjálfari og heilsumarkþjálfi og hefur þjálfað frá árinu 1998. Þau segja fleiri valkosti hafa vantað fyrir fólk sem kjósi að æfa í hóp. Þjálfun verði að sníða að markmiðum, styrk- og veikleikum hvers og eins.

„Við leggjum mikla áherslu á hreyfiferla og að æfingarnar séu gerðar rétt. Allt of oft er fólk að æfa vitlaust og þá verður ávinningurinn ekki sem skyldi,“ útskýrir Sif. „Við erum öll einstök og því er engin ein ríkisleið til sem virkar fyrir alla. Síðustu ár hefur þjálfun sem fer fram í hópum verið mjög vinsæl, til dæmis CrossFit, en okkur fannst vanta fleiri valmöguleika fyrir fólk sem vill æfa í hóp. Í grunninn ætti þjálfun að beinast að því að gera líkamann betri og til lengri tíma í stað þess að einblína á kílóatöluna. Lífaldur okkar lengist svo það er eins gott að hugsa um þennan eina líkama sem við fáum.“ Þau Guðjón vinni því með sérhannað æfingakerfi.

Sérhæft æfingakerfi

„Í upphafi fá allir viðtal hjá þjálfara sem er eins konar heilsufarsgreining; farið yfir heilsufar, líkamsástand, markmið sem og næringu ásamt mælingum. Viðtöl hjá þjálfara eru síðan í boði mánaðarlega. Allir sem skrá sig hjá okkur fara síðan í gegnum tækniþjálfun. Tækniþjálfunin miðar að því að sérsníða þjálfunina að hverjum og einum, framkvæmt er styrktar- og liðleikapróf, kennd rétt líkamsbeiting, rétt lyftingatækni og hlutverk hverrar æfingar útskýrt.

Eftir það getur fólk mætt hvenær sem er. Þjálfunin fer fram í litlum hópum, sem skráð er inn í, og gerir það þjálfurum okkar fært að stílfæra allar æfingar dagsins út frá veik- og styrkleikum hvers og eins. Æfingakerfið miðar að því að vinna að alhliða styrk, þoli og liðleika og hjá okkur starfa eingöngu sérþjálfaðir og menntaðir þjálfarar,“ útskýrir Sif.

Fjarþjálfun

„Við erum einnig með sérhæfða og faglega fjarþjálfun þar sem við vinnum markvisst með skjólstæðingum okkar í að lágmarki 10 vikur til þess að ná fram sem bestum árangri,“ segir Guðjón. „Það tekur tíma að breyta lífsstíl og rannsóknir hafa sýnt fram á að við þurfum 66 daga til að geta gert nýja hegðun vanabundna. Við vinnum að langtímalausnum og notum ekki sama æfingaplanið á alla heldur sérsníðum æfingaplan fyrir hvern og einn. Skjólstæðingar koma til okkar í viðtöl á staðinn eða tekið er viðtal í gegnum síma. Fólk þarf ekki að senda okkur myndir. Einnig fáum við skjólstæðinga okkar til að fylla út ítarlega skýrslu er varðar heilsufar og hreyfingu, ásamt styrktar- og liðleikaprófi. Þannig getum við einbeitt okkur að veikleikum hvers og eins og unnið þannig upp varanlegt „gott form“.

Næringarþjálfun

„Einnig bjóðum við upp á sérsniðna næringarþjálfun sem er í grunninn heilsumarkþjálfun sem byggir á 20 ára reynslu. Námið í heilsumarkþjálfun gerir okkur kleift að vinna með skjólstæðinga okkar nákvæmlega þar sem þeir eru staddir og hvort sem fólk er að stíga sín fyrstu skref í bættu mataræði eða sérhæfðu mataræði. Allt frá paleo til vegan,“ útskýrir Sif. „Við sendum fólk ekki út að kaupa fæðubótarefni heldur byggjum okkar ráðleggingar á hreinu fæði og raunhæfum leiðum til þess að breyta mataræði til framtíðar. Markhópurinn okkar er venjulegt fólk.“

Nánari upplýsingar er að finna á www.trainer.is & www.trainstation.is. Á síðunni má einnig kaupa rafbækur og leiðarvísa.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira