Viðskipti innlent

Kaupa starfsstöð CCP í Newcastle

Daníel Freyr Birkisson skrifar
Hilmar Veigar Pétursson, forstjóri CCP.
Hilmar Veigar Pétursson, forstjóri CCP. Vísir/GVA
Breska tölvuleikjaþróunarfyrirtækið Sumo Digital hefur keypt starfsstöð íslenska tölvuleikjaframleiðandans CCP í Newcastle-borg. Leikjavefsíðan Game Informer greinir frá.

Með breytingunum flytja 34 starfsmenn CCP Newcastle í starfsstöð Sumo Digital í Newcastle sem mun nú heita Sumo Digital Newcastle.

Sumo Digital er þekkt fyrir fjölbreytni í leikjaframleiðslu og hefur framleitt leiki á borð við Sonic All-Stars Racing og Crackdown 3 sem gefinn verður út á Xbox One og PC á þessu ári.

Greint var frá því í fyrra að um þrjátíu starfsmönnum CCP, sem til að mynda hefur gefið út Eve: Valkyrie, hefði verið sagt upp til viðbótar við tugi annarra á starfsstöðvum erlendis og var þá greint frá því að starfsstöð tölvuleikjaframleiðandans í Newcastle yrði einnig selt.


Tengdar fréttir

Forstjóri CCP vill enn kasta krónunni

Aldrei stóð til að flytja höfuðstöðvar CCP úr landi, segir Hilmar Veigar Pétursson, forstjóri fyrirtækisins. CCP hagnaðist um 21,5 milljónir dala í fyrra. Vill enn kasta krónunni og taka upp annan gjaldmiðil.

Tugir missa vinnuna hjá CCP

Eldar Ástþórsson, upplýsingafulltrúi CCP, er einn þeirra sem missa vinnuna við breytingarnar.






Fleiri fréttir

Sjá meira


×