Íslenski boltinn

Átta liða úrslit íslenska deildabikarsins heyra nú sögunni til

Óskar Ófeigur Jónsson skrifar
Frá leik úr Egilshöllinni sem hýsir marga af leikjum deildabikarsins.
Frá leik úr Egilshöllinni sem hýsir marga af leikjum deildabikarsins. Vísir/Ernir

Stjórn Knattspyrnusambands Íslands hefur gert breytingar á reglugerð um deildabikarkeppni karla í fótbolta en þetta var ákveðið á síðasta fundi stjórnarinnar fyrir jól.

Breytingartillaga á reglugerðinni, sem samþykkt var af stjórn á fundi 18. desember síðastliðinn, var unnin af mótanefnd KSÍ en um er að ræða breytingar á grein 2.6.

Breytingar þessar gera ráð fyrir nýju fyrirkomulagi í úrslitakeppni A-deildar í deildarbikarkeppni karla.

Áður gerði reglugerðin ráð fyrir að átta lið tækju þátt í úrslitakeppni A-deildar. Eftir samþykktar breytingar munu aðeins fjögur lið taka þátt í úrslitakeppni A-deildar.

Þau fjögur lið sem enda í efsta sæti í hverjum riðli, R1, R2, R3 og R4, leika í undanúrslitum. Sigurvegarar í undanúrslitum A-deildar leika til úrslita. Sigurvegari í úrslitaleik A-deildar telst Deildabikarmeistari KSÍ.

Lengjubikarinn 2018 - Riðlaskipting

Riðill 1
Fram
ÍA
ÍBV
Njarðvík
Valur
Víkingur R.

Riðill 2
Breiðablik
ÍR
KA
KR
Magni
Þróttur R.

Riðill 3
Fjölnir
Haukar
Keflavík
Leiknir R.
Stjarnan
Víkingur Ó.

Riðill 4
FH
Fylkir
Grindavík
HK
Selfoss
Þór



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira