Körfubolti

Skrímslaleikur hjá Embiid í Staples Center | Myndbönd

Ingvi Þór Sæmundsson skrifar
Ben Simmons truflaði Joel Embiid í viðtali eftir leik.
Ben Simmons truflaði Joel Embiid í viðtali eftir leik. vísir/getty
Joel Embiid átti stórkostlegan leik þegar Philadelphia 76ers bar sigurorð af Los Angeles Lakers, 109-115, í NBA-deildinni í körfubolta í nótt.

Miðherjinn öflugi skoraði 46 stig úr aðeins 20 skotum, tók 15 fráköst, gaf sjö stoðsendingar og varði sjö skot. Mögnuð frammistaða hjá Embiid.

Ben Simmons átti einnig góðan leik fyrir Philadelphia og var aðeins einu frákasti frá því að vera með þrefalda tvennu. Hann skoraði 18 stig, tók níu fráköst og gaf 10 stoðsendingar. Þetta var annar sigur Philadelphia í röð og sá sjöundi í síðustu 10 leikjum.

Tíu aðrir leikir fóru fram í NBA-deildinni í nótt.

Cleveland Cavaliers er að rétta úr kútnum og vann sinn þriðja sigur í röð þegar liðið lagði Charlotte Hornets að velli, 107-115.

LeBron James skoraði 31 stig fyrir Cleveland sem fékk alls 40 stig frá bekknum í leiknum.

Minnesota Timberwolves lyfti sér upp í 3. sæti Vesturdeildarinnar með sigri á San Antonio Spurs, 98-86, á heimavelli.

Afmælisbarnið Karl-Anthony Towns skoraði 26 stig fyrir Minnesota og tók 16 fráköst. Fátt var um fína drætti hjá San Antonio en enginn leikmaður liðsins skoraði meira en 15 stig.

Innkoma Erics Bledsoe hefur haft góð áhrif á Milwaukee Bucks sem vann í nótt sinn fjórða sigur í röð. Liðið lagði þá Detroit Pistons að velli, 99-95.

Bledsoe skoraði 14 stig og gaf átta stoðsendingar og var mikilvægur undir lokin. Khris Middleton var stigahæstur hjá Milwaukee með 27 stig.

Úrslitin í nótt:

LA Lakers 109-115 Philadelphia

Charlotte 107-115 Cleveland

Minnesota 98-86 San Antonio

Milwaukee 99-95 Detroit

NY Knicks 106-101 Utah

Atlanta 126-80 Sacramento

Miami 93-102 Washington

Oklahoma 92-79 Chicago

Memphis 113-116 Indiana

New Orleans 116-125 Toronto

Portland 99-94 Orlando

NBA



Fleiri fréttir

Sjá meira


×