Sport

Gunnar Nelson er ofboðslega stoltur af Birni Lúkasi

Óskar Ófeigur Jónsson skrifar
Gunnar Nelson og Björn Lúkas Haraldsson.
Gunnar Nelson og Björn Lúkas Haraldsson. Mynd/Samsett/Getty og Mjölnir
Gunnar Nelson hefur náð frábær árangri í búrinu á síðustu árum og hann er ánægður að sjá liðsfélaga sinn úr Mjölni gera mjög góða hluti á heimsmeistaramóti áhugamanna í blönduðum bardagaíþróttum.

Björn Lúkas Haraldsson tryggði sér sæti í úrslitaglímunni um heimsmeistaratitilinn með því að vinna undanúrslitaviðureign á móti Ástralanum Joseph Luciano í dag.

Gunnar Nelson hrósaði Birni Lúkasi á Twitter en Björn Lúkas hefur unnið fjóra bardaga í röð í fyrstu lotu.



„Ég er ofboðslega stoltur af liðsfélaga mínum Birni Lúkasi sem er að bruna í gegnum heimsmeistaramótið. Fjórir sigrar í fyrstu lotu á fjórum dögum og sæti í úrslitaviðureigninni. Hafið auga með þessum á komandi árum,“ skrifaði Gunnar Nelson á ensku á Twitter-síðu sína.

Hann notaði síðan myllumerkið „Koma heim með gullið.“

MMA



Fleiri fréttir

Sjá meira


×