Handbolti

Erfitt kvöld hjá Íslendingunum í Frakklandi

Henry Birgir Gunnarsson skrifar
Ásgeir Örn í landsleik.
Ásgeir Örn í landsleik. vísir/daníel
Íslendingaliðið Cesson-Rennes tapaði, 38-30, í nágrannaslagnum gegn Nantes í franska handboltanum í kvöld.

Frændurnir Guðmundur Hólmar Helgason og Geir Guðmundsson áttu ekki skot á markið í kvöld og komust þar af leiðandi ekki á blað.

Cesson-Rennes hefur tapað báðum leikjum sínum í deildinni til þessa.

Ásgeir Örn Hallgrímsson komst ekki á blað hjá Nimes sem varð að sætta sig við tap, 24-28, á heimavelli gegn hinu sterka liði Montpellier.

Nimes vann leik sinn í fyrstu umferð og er því með tvö stig eftir tvo leiki.




Fleiri fréttir

Sjá meira


×