Fótbolti

Vill að næsti landsliðsþjálfari verði kona

Ingvi Þór Sæmundsson skrifar
Kelly Smith lék lengi með Arsenal.
Kelly Smith lék lengi með Arsenal. vísir/getty
Kelly Smith, markahæsti leikmaður enska kvennalandsliðsins í fótbolta frá upphafi, vill að næsti landsliðsþjálfari Englands verði kona.

Mark Sampson var rekinn úr starfi landsliðsþjálfara á miðvikudaginn vegna óviðeigandi og óásættanlegrar hegðunar meðan hann var þjálfari Bristol Academy 2009-13.

„Þeir munu taka sér góðan tíma í að finna finna rétta einstaklinginn. Þeir geta ekki gert þetta í flýti,“ sagði Smith sem skoraði 46 mörk í 117 landsleikjum.

„Ég myndi vilja sjá konu taka við en við verðum að sjá hvað gerist,“ bætti Smith við. Hún hefur sjálf ekki áhuga á að taka við landsliðsþjálfarastarfinu.

Sampson stýrði enska landsliðinu í síðasta sinn á þriðjudaginn. England vann þá 6-0 sigur á Rússlandi í fyrsta leik sínum í undankeppi HM 2019.


Tengdar fréttir

Búið að reka Sampson

Enska knattspyrnusambandið ákvað nú síðdegis að reka þjálfara kvennalandsliðsins, Mark Sampson, fyrir óviðeigandi og óafsakanlega hegðun.




Fleiri fréttir

Sjá meira


×