Formúla 1

Carlos Sainz til Renault og McLaren fær Renault vélar

Carlos Sainz verður í öðrum litum á næsta ári.
Carlos Sainz verður í öðrum litum á næsta ári. Vísir/Getty
Carlos Sainz, ökumaður Toro Rosso hefur skrifað undir samning við Renault liðið og mun aka þar á næsta tímabili. Það þýðir að McLaren mun fá Renault vélar á næsta ári.

Samningurinn á milli Toro Rosso og Renault um að Sainz fái að fara yfir er gerður til að fá Renault til að rifta samning sínum við Toro Rosso.

ToroRosso gat þá lokið samningi sínum við Honda um vélar fyrir næsta ár. McLaren mun þá fá vélarnar sem til stóð að skaffa Toro Rosso.

Renault vildi fá eitthvað fyrir sinn snúð, enda er framleiðandinn að skipta um kaupendur á vélum og því fylgir ýmislegt vesen.

Með Sainz innan sinna raða stefnir Renault liðið á framfarir á næsta ári. Jolyon Palmer mun væntanlega þurfa að leita að nýju sæti í Formúlu 1. Nico Hulkenberg verður áfram hjá liðiðnu samkvæmt öllum heimildum um málið.

Enn er óvíst hver fyllir skarð Sainz hjá Toro Rosso. Líklega verður það Pierre Gasly sem lengi hefur verið á mála hjá Red Bull akademíunni. Hins vegar gæti verið að Honda vilji koma sínum manni að, þá er líklegt að það verði Nobuharu Matsushita.

Red Bull liðið verður í kjör stöðu í framhaldinu ef Honda vélin verður skyndilega betri en Renault vélin. Honda yrði þá líklega fengið til að sjá Red Bull liðinu fyrir vélum.

Fernando Alonso, ökumaður McLaren er líklegur til að halda áfram hjá liðinu. Hann þekkir vel til Renault en hann varð tvöfaldur heimsmeistari með Renault liðiðnu á sínum tíma.


Tengdar fréttir

Porsche hefur áhuga á Formúlu 1

Þýski bílaframleiðandinn Porsche hefur gefið það út að áhugi sé innanhúss fyrir þátttöku í Formúlu 1. Porsche vill skoða innkomu árið 2021 með nýrri vélareglugerð.




Fleiri fréttir

Sjá meira


×