Golf

Ólafía: Loksins komið að því

Dagur Lárusson skrifar
Ólafía Þórunn Kristinsdóttir, kylfingur úr GR, komst í gegnum niðurskurð á Evian risamótinu í Frakklandi nú fyrr í dag.

Þetta er fimmta og jafnframt síðasta risamót ársins. Ólafía var að vonum ánægð í viðtali við eftir þennan flotta árangur en þetta er í fyrsta sinn sem hún kemst í gegnum niðurskurð á stórmóti.

„Já ég er auðvitað mjög ánægð, þett er í fyrsta skipti sem ég kemst í gegnum niðurskurð á stórmóti, loksins kom að því.“

Ólafía sagði í gær að hringurinn hafi verið í léttara lagi en hún segir að það hafi ekki verið það sama uppá tengingnum í dag.

„Ég átti sem betur fer nokkur góð pútt og grínin voru góð og ég setti mörg af þeim niður þannig að það var gott.“

 Aðspurð út í frábært spil hennar á 18.brautinni sagði Ólafía að númer 1, 2 og 3 væri að hitta á brautina vegna þess að karginn væri virkilega erfitt á þessari braut.

„Það fyrsta er bara að hitta brautina vegna þess að karginn er svakalega þéttur og maður vill alls ekki eiga 170 m högg í þannig karga og það yfir vant þannig ég var mjög ánægð með það að teighöggið mitt var gott.“

Ólafía segist finna fyrir þreytu enda hafi þetta verið löng helgi hingað til.

„Ég er farin að finna fyrir smá þreytu, þetta er búið að vera löng helgi þannig ég verð bara að hvíla mig í dag, ekki æfa of mikið,“ sagði Ólafía Þórunn með bros á vör


Tengdar fréttir

Ólafía komst í gegnum niðurskurðinn

Ólafía Þórunn Kristinsdóttir komst í gegnum niðurskurðinn á Evian-meistaramótinu í golfi. Þetta er síðasta risamót ársins.

Ólafía við niðurskurðarlínuna eftir annan hring í Frakklandi

Ólafía Þórunn Kristinsdóttir, kylfingur úr GR, kom í hús á þremur höggum yfir pari á öðru hring Evian risamótins í Frakklandi sem er hluti af LPGA-mótaröðinni, þeirri sterkustu í heimi en það verður ekki ljóst fyrr en seinna í dag hvort hún komist í gegnum niðurskurðinn.




Fleiri fréttir

Sjá meira


×