Verslun í bígerð í samstarf við tískurisa Stefán Þór Hjartarson skrifar 9. september 2017 10:00 Þeir Bobby Breiðholt, Steinar Fjeldsted og Ólafur Ingi Stefánsson ásamt Sigrúnu Guðjohnsen vinna nú að því að opna hjólabrettaverslunina Skugga. Þó að verslunin sé ekki komin í húsnæði er ýmislegt að gerast. Vísir/Stefán Hjólabrettabúðin Skuggi verður opnuð von bráðar en forsvarsmenn verslunarinnar eru búnir að landa samvinnuverkefni við fatamerkið X-LARGE, en það er eitt af stærstu götutísku- eða „streetwear“ fatamerkjum heimsins. „Þetta kemur þannig til að við erum í því að finna merki fyrir búðina og ég hef samband við X-LARGE. Þetta merki var risastórt á tíunda áratugnum og Mike D úr Beastie Boys átti meðal annars þátt í að stofna fyrirtækið. Í kjölfar þess að ég hafði samband fórum við að spjalla mikið saman og honum þarna úti fannst kúl hvað ég vissi mikið um sögu merkisins og spurði hvort við ættum ekki bara að gera fatalínu saman. Það er svolítið klikkað að búð sem ekki er búið að opna fái að gera fatalínu með svona stóru fyrirtæki,“ segir Steinar Fjeldsted, einn af teyminu bak við Skugga. X-LARGE hafa meðal annars verið í samstarfi við fyrirtæki eins og PUMA, Adidas og mörg fleiri. Skuggi er því í góðum félagsskap meðal þessara merkja. Í tilefni samstarfsins er fólkið í X-LARGE mætt til landsins og mun aðstoða við að setja upp pop-up búð á Klapparstígnum, við hlið Rosenberg, þar sem afrakstur samstarfsins við Skugga verður til sölu. „Skuggi er hjólabrettaverslun í bígerð – drög að hjólabrettaverslun. Hjólabrettasenan er núna rosa stór og góð hér á landi. Skuggi ætlar að koma inn og þjónusta, loksins, þessa senu á góðan hátt. Það hefur ekki verið „core“ búð í miðbænum – nema Brim sem er hætt – svo við erum að koma inn á réttum tíma.“ Fólkið bak við Skugga er Steinar Fjeldsted, Ólafur Ingi Stefánsson, einn færasti hjólabrettakappi landsins, Sigrún Guðjohnsen og Bobby Breiðholt hönnuður. „Bobby hannaði alla línuna, grafíkina og allt svona í samstarfi við X-LARGE. Þeir gáfu okkur rosalega frjálsar hendur þannig að úr varð geggjað stöff. Við erum að fá svakalega athygli erlendis – X-LARGE eru til dæmis búnir að henda í herferð á samfélagsmiðlunum sínum og svona.“ Skuggateymið stefnir á fleiri pop-up verslanir áður en búðin sjálf verður opnuð en það er ekki komið á hreint hvenær það verður. Steinar segir að Skuggi stefni jafnvel á fleiri samvinnuverkefni við aðrar fatalínur. Pop-up verslunin verður opnuð klukkan fjögur í dag og verður opin alveg til ellefu í kvöld. Fljótandi veigar verða í boði, hjólabrettapallar verða settir upp á götunni fyrir framan búðina, tónlist leikin og alls kyns læti. Mest lesið Æðisleg tilfinning að þurfa ekki að geðjast fólki Tónlist Hjólhýsabyggðin á Laugarvatni og Húsið á Eyrarbakka Lífið „Tíu ár en enginn hringur“ Makamál „Þetta var svolítið biblíuleg mynd“ Lífið Páll Óskar genginn í það heilaga: „Besti dagur lífs okkar“ Lífið Veltir fyrir sér hvort hann sé dottinn úr tísku Lífið Líkt við apa og klappað eins og hundi Lífið Krabbameinið sem týndist: „Fyrst sagði ég bara fokk!“ Áskorun Ósanngjarnt hvernig stúlkan var dregin inn í umræðu sem var að miklu leyti „algjör þvæla“ Lífið Svar við spurningu lesanda: Hvað má fróa sér oft í viku? Lífið Fleiri fréttir Er sannkölluð Mary Poppins þegar það kemur að töskunni Björk á forsíðu Vogue í fyrsta sinn „Vinkonur mínar eru allar með tölu mestu gellur landsins“ Forfallin húðumhirðuaðdáandi og sólarvarnarlögga Ekki sérlega litaglöð en glaðlynd að eðlisfari Týnir öllu þannig að flest staldrar stutt við í töskunni Sársaknar sérhannaðrar úlpu: „Þetta er bara listaverkið mitt“ Best klæddu stjörnurnar á Óskarnum Sparks peysan og brúnkukremið eftirminnilegt tímabil Louis Vuitton taskan sem bæði týndist og fannst í uppáhaldi „Leyfðu öðrum að njóta lífsins og klæða sig eins og það vill“ Tískudrottingin Iris Apfel látin Finnur flottari flíkur í kvenmannsdeildunum „Yfirleitt er allt sem er gefandi líka krefjandi“ Alltaf með nasl í töskunni og þjáist af matarást á háu stigi Klæðir sig upp í þema fyrir öll möguleg tilefni Fyrirsæta fyrir tískurisa erlendis en lögfræðingur hér heima Nýtur þess að setja sig í fyrsta sætið Íslenskur hönnuður með fatalínu á tískuviku Best klæddu á Grammys: Laufey skein skært í Chanel „Ég hlakka til að klæða mig upp á hverjum morgni“ Sjá meira
Hjólabrettabúðin Skuggi verður opnuð von bráðar en forsvarsmenn verslunarinnar eru búnir að landa samvinnuverkefni við fatamerkið X-LARGE, en það er eitt af stærstu götutísku- eða „streetwear“ fatamerkjum heimsins. „Þetta kemur þannig til að við erum í því að finna merki fyrir búðina og ég hef samband við X-LARGE. Þetta merki var risastórt á tíunda áratugnum og Mike D úr Beastie Boys átti meðal annars þátt í að stofna fyrirtækið. Í kjölfar þess að ég hafði samband fórum við að spjalla mikið saman og honum þarna úti fannst kúl hvað ég vissi mikið um sögu merkisins og spurði hvort við ættum ekki bara að gera fatalínu saman. Það er svolítið klikkað að búð sem ekki er búið að opna fái að gera fatalínu með svona stóru fyrirtæki,“ segir Steinar Fjeldsted, einn af teyminu bak við Skugga. X-LARGE hafa meðal annars verið í samstarfi við fyrirtæki eins og PUMA, Adidas og mörg fleiri. Skuggi er því í góðum félagsskap meðal þessara merkja. Í tilefni samstarfsins er fólkið í X-LARGE mætt til landsins og mun aðstoða við að setja upp pop-up búð á Klapparstígnum, við hlið Rosenberg, þar sem afrakstur samstarfsins við Skugga verður til sölu. „Skuggi er hjólabrettaverslun í bígerð – drög að hjólabrettaverslun. Hjólabrettasenan er núna rosa stór og góð hér á landi. Skuggi ætlar að koma inn og þjónusta, loksins, þessa senu á góðan hátt. Það hefur ekki verið „core“ búð í miðbænum – nema Brim sem er hætt – svo við erum að koma inn á réttum tíma.“ Fólkið bak við Skugga er Steinar Fjeldsted, Ólafur Ingi Stefánsson, einn færasti hjólabrettakappi landsins, Sigrún Guðjohnsen og Bobby Breiðholt hönnuður. „Bobby hannaði alla línuna, grafíkina og allt svona í samstarfi við X-LARGE. Þeir gáfu okkur rosalega frjálsar hendur þannig að úr varð geggjað stöff. Við erum að fá svakalega athygli erlendis – X-LARGE eru til dæmis búnir að henda í herferð á samfélagsmiðlunum sínum og svona.“ Skuggateymið stefnir á fleiri pop-up verslanir áður en búðin sjálf verður opnuð en það er ekki komið á hreint hvenær það verður. Steinar segir að Skuggi stefni jafnvel á fleiri samvinnuverkefni við aðrar fatalínur. Pop-up verslunin verður opnuð klukkan fjögur í dag og verður opin alveg til ellefu í kvöld. Fljótandi veigar verða í boði, hjólabrettapallar verða settir upp á götunni fyrir framan búðina, tónlist leikin og alls kyns læti.
Mest lesið Æðisleg tilfinning að þurfa ekki að geðjast fólki Tónlist Hjólhýsabyggðin á Laugarvatni og Húsið á Eyrarbakka Lífið „Tíu ár en enginn hringur“ Makamál „Þetta var svolítið biblíuleg mynd“ Lífið Páll Óskar genginn í það heilaga: „Besti dagur lífs okkar“ Lífið Veltir fyrir sér hvort hann sé dottinn úr tísku Lífið Líkt við apa og klappað eins og hundi Lífið Krabbameinið sem týndist: „Fyrst sagði ég bara fokk!“ Áskorun Ósanngjarnt hvernig stúlkan var dregin inn í umræðu sem var að miklu leyti „algjör þvæla“ Lífið Svar við spurningu lesanda: Hvað má fróa sér oft í viku? Lífið Fleiri fréttir Er sannkölluð Mary Poppins þegar það kemur að töskunni Björk á forsíðu Vogue í fyrsta sinn „Vinkonur mínar eru allar með tölu mestu gellur landsins“ Forfallin húðumhirðuaðdáandi og sólarvarnarlögga Ekki sérlega litaglöð en glaðlynd að eðlisfari Týnir öllu þannig að flest staldrar stutt við í töskunni Sársaknar sérhannaðrar úlpu: „Þetta er bara listaverkið mitt“ Best klæddu stjörnurnar á Óskarnum Sparks peysan og brúnkukremið eftirminnilegt tímabil Louis Vuitton taskan sem bæði týndist og fannst í uppáhaldi „Leyfðu öðrum að njóta lífsins og klæða sig eins og það vill“ Tískudrottingin Iris Apfel látin Finnur flottari flíkur í kvenmannsdeildunum „Yfirleitt er allt sem er gefandi líka krefjandi“ Alltaf með nasl í töskunni og þjáist af matarást á háu stigi Klæðir sig upp í þema fyrir öll möguleg tilefni Fyrirsæta fyrir tískurisa erlendis en lögfræðingur hér heima Nýtur þess að setja sig í fyrsta sætið Íslenskur hönnuður með fatalínu á tískuviku Best klæddu á Grammys: Laufey skein skært í Chanel „Ég hlakka til að klæða mig upp á hverjum morgni“ Sjá meira