Innlent

Spá engri rigningu í Vestmannaeyjum í dag

Erna Agnes Sigurgeirsdóttir skrifar
Nokkur hlýindi verða um landið allt. Á nokkrum stöðum verður hins vegar hellidemba.
Nokkur hlýindi verða um landið allt. Á nokkrum stöðum verður hins vegar hellidemba. Veðurstofa Íslands, skjáskot
Spáð er hægri breytilegri átt í dag um land allt. Þá virðist sem hitastigið á landinu öllu verði á bilinu 10 til 15 stig og nokkuð bjart verður á köflum.

Þó mun vera nokkur vindur vestanlands eða allt að 10 metrar á sekúndu. Svo virðist sem nokkuð verði um skúrir í dag og nokkrir munu þurfa að vera með pollafötin innan handar þar sem búist er við hellidembu. Vestmannaeyjar virðast ætla að sleppa ansi vel og hanga þurr. Í hugleiðingum veðurfræðings kemur fram að ef skúrir verði á Þjóðhátíð þá muni það standa stutt yfir.

Veðrið á morgun verður norðlæg eða breytilegt átt og 3 til átta metrar á sekúndu. Vindur ætti því ekki að hafa áhrif á heimferðir fólks sem keyrir með aftanívagna líkt og segir í hugleiðingum veðurfræðings. Þá verður væta með köflum en suðvestanvert landið mun líklega hanga þurrt.

Hér að neðan má sjá spá frá Veðurstofu Íslands.



Veðurhorfur á landinu



Hæg breytileg átt í dag, en norðan 5-10 m/s með vesturströndinni. Skýjað að mestu og víða skúrir, sums staðar hellidembur síðdegis. Norðlæg eða breytileg átt 3-8 á morgun og væta með köflum, en þurrt um landið suðvestanvert. Hiti 8 til 15 stig, hlýjast sunnanlands.

Veðurhorfur á landinu næstu daga

Á þriðjudag: Gengur í suðaustan 8-13 með rigningu, en hægari og úrkomulítið fram eftir degi um landið austanvert. Hiti 11 til 16 stig, hlýjast norðaustanlands.

Á miðvikudag: Hægviðri og rofar víða til, en fer að rigna með vaxandi austanátt sunnanlands um kvöldið. Hiti víða 10 til 15 stig.

Á fimmtudag: Allhvöss norðaustanátt með rigningu í flestum landshlutum og nokkru svalara veðri norðan- og austanlands.

Á föstudag: Líklega nokkuð hvöss norðanátt með rigningu og kólnandi veðri, en úrkomulítið suðvestantil.



Á laugardag: 
Minnkandi norðanátt og rofar til um landið sunnan- og vestanvert.

 




Fleiri fréttir

Sjá meira


×