Enski boltinn

Benjamin Mendy á leiðinni til Manchester City

Elías Orri Njarðarson skrifar
Benjamin Mendy verður orðinn leikmaður Manchester City á næstunni
Benjamin Mendy verður orðinn leikmaður Manchester City á næstunni visir/getty
Samkvæmt heimildum BBC er Benjamin Mendy, leikmaður Monaco í Frakklandi, á leið til Manchester City á Englandi.

Mendy sem er nýorðinn 23 ára og lék 34 leiki með Monaco á síðustu leiktíð en hann gekk til liðs við meistarana frá Marseille árið 2016. Hann leikur sem vinstri bakvörður og ætti að geta styrkt lið City vel.

Pep Guardiola, þjálfari Manchester City, heldur því áfram að styrkja lið sitt fyrir komandi leiktíð en fyrir stuttu gekk enski bakvörðurinn Kyle Walker til liðs við City frá Tottenham Hotspur, ásamt því að fleiri leikmenn hafa bæst í hópinn hjá City.

Kaupverðið á Mendy er talið vera um 52 milljónir punda og talið er að kaupin verði kláruð seinna í dag.






Fleiri fréttir

Sjá meira


×