Viðskipti erlent

Plastdúkkan Ken fær yfirhalningu

Sæunn Gísladóttir skrifar
Ken hefur breyst mikið á síðustu áratugum.
Ken hefur breyst mikið á síðustu áratugum. NordicPhotos/Getty
Plastdúkkan Ken sem hefur fylgt Barbie í yfir fimmtíu ár hefur fengið yfirhalningu, en Mattel, framleiðandi dúkkunnar, kynnti nýjar tegundir af Ken á þriðjudag.

Nú er hægt að kaupa Ken í þremur mismunandi líkamsstærðum og og velja á milli sjö hörundslita. Einnig má velja úr átta mismunandi litum á hári, níu hárstílum og augnlitum. Fatnaður Kens er nú mun fjölbreyttari.

Tíu nýjar Ken dúkkur eru komnar í verslanir vestanhafs og fimm nýjar koma í næstu mánuðum. Á síðasta ári fékk Barbie einnig yfirhalningu en þá komu fjórar mismunandi líkamsgerðir út og einnig sjö hörundslitir.

CNN greinir frá því að síðan fyrsta Ken dúkkan kom út árið 1961 hefur dúkkan þróast verulega. Barbie og Ken hættu saman árið 2004.






Fleiri fréttir

Sjá meira


×